© Sputnik
Bas prokýratýra alaiaqtyq kóp óńirlerdiń tizimin jariialady, - dep habarlaidy "Ult aqparat".
Bas prokýratýranyń Quqyqtyq statistika jáne arnaiy esepke alý jónindegi komitetiniń statistikalyq derekteri boiynsha, Qazaqstanda 2023 jylǵy 9 aidyń qorytyndysy boiynsha alaiaqtyqtyń (Qylmystyq kodekstiń 190-baby) tómendegeni baiqalǵan. Jalpy tirkelgen qylmystyq quqyq buzýshylyqtardan alaiaqtyqtyń úlesi 30 paiyz bolady.
Aimaq boiynsha eń kóp alaiaqtyq:
- Almaty qalasy - 6742,
- Astana - 5358,
- Qaraǵandy oblysy - 2590,
- Shymkent - 1921,
- Almaty oblysy – 1836,
- Aqtóbe -1334,
- Atyraý -1319,
- Qostanai -1311,
- Pavlodar -1244,
- Shyǵys Qazaqstan -1243 oblystarynda tirkelgen.
Alaiaqtyq áreketter saldarynan 34 623 adam zardap shekken, onyń ishinde:
- Erler – 15603,
- Áielder - 19020
"Sondai-aq, kámeletke tolmaǵandar - 102, mektep, gimnaziia, litsei, kolledj, joǵarǵy oqý oryndarynda oqityndar - 291, zeinetkerler -1714, múgedekter – 8", - delingen habarlamada.
Internet-alaiaqtyq faktileri 1,5 paiyzǵa tómendegen. Elimiz boiynsha barlyǵy 15616 (15848) osyndai qylmystyq quqyq buzýshylyq tirkelgen.
"Aqsha qarajatyn qaryzǵa alý arqyly alaiaqtyq 73 paiyzǵa tómendedi, barlyǵy 24 (89) fakt tirkeldi. Tólem kartalaryn paidalaný arqyly jasalǵan alaiaqtyq derekteri boiynsha da tómendeý baiqalady, barlyǵy 197 qylmystyq quqyq buzýshylyq tirkeldi, bul ótken jyldyń sáikes kezeńimen salystyrǵanda 13,2 paiyzǵa az", - delingen habarlamada.
Jer quqyqyǵy qatynastary salasynda barlyǵy 3 fakt tirkelgen jáne barlyǵy Almaty oblysynda.
