Eń az jalaqyny áleýmettik mańyzy bar salalardaǵy kásiporyn basshylary alady, dep habarlaidy "Ult aqparat" ranking.kz saityna silteme jasap.
Biylǵy jyldyń jazyndaǵy eńbek naryǵyn zertteý nátijeleri kórsetkendei, Qazaqstan Respýblikasynda eseptelgen jalaqy mólsheri boiynsha qyzmetkerlerdiń qurylymy mynadai.
Qyzmetkerlerdiń jalpy sanynynyń ortasha ailyq jalaqysy:
• 45 000 teńgege deiin — qyzmetkerlerdiń 1,8%-y;
• 45 000-nan 105 000 teńgege deiin — 30,8%;
• 105 000-nan 210 000 teńgege deiin – 39,2%;
• 210 000-nan 300 000 teńgege deiin — 14,2%;
• 300 000-nan 420 000 teńgege deiin — 7,2%;
• 420 000-nan 600 000 teńgege deiin — 3,6%;
• 600 000-nan 750 000 teńgege deiin — 1,2%;
• ot 750 000-nan 900 000 teńgege deiin e — 0,6%;
• 900 000 teńgeden joǵary — qyzmetkerlerdiń 1,4%-y.
Uiymdardyń tikelei basshylarynyń ortasha ailyq jalaqysynyń mólsheri 518,3 myń teńgeni qurady.
Sonymen birge, ekonomika salalary aiasynda aitarlyqtai aiyrmashylyq baiqalady. Máselen, turǵyn úi men tamaqtandyrý qyzmetterin usyný salasyndaǵy uiymdardyń basshylary bárinen kóp, iaǵni 1,8 mln alady. Jalaqy kólemi boiynsha eń kóp alatyn basshylardyń úshtigine taý-ken ónerkásibiniń (1,3 mln teńge), sondai-aq qarjylyq jáne saqtandyrý qyzmeti (1,1 mln teńge) basshylary kirdi.
Eń az jalaqyny áleýmettik mańyzy bar salalardaǵy kásiporyn basshylary alady. Olar: memlekettik basqarý, qorǵanys jáne mindetti áleýmettik qamsyzdandyrý kásiporyndarynyń basshylary (barlyǵy 271,8 myń teńge), sondai-aq densaýlyq saqtaý (280,3 myń teńge) jáne bilim berý (323,6 myń teńge) salasyndaǵy kásiporyndardyń basshylary.
Óńirler boiynsha alǵanda uiym basshylarynyń arasynda ortasha ailyq ataýly jalaqynyń eń kóp mólsheri Atyraý oblysynda (876,6 myń teńge), sondai-aq Almatyda (805,6 myń teńge) jáne Nur-Sultanda (638,6 myń teńge) baiqaldy.
Eń az jalaqyny Jambyl (265 myń teńge), Soltústik Qazaqstan (280,2 myń teńge) jáne Qostanai (316,9 myń teńge) oblystarynyń kásiporyn basshylary alady.
