Qazaqstanda balalar arasynda Kavasaki sindromynyń órshýi týraly aqparat shyndyqqa janaspaidy. Bul týraly RIA Novostige Densaýlyq saqtaý ministrliginiń baspasóz qyzmeti málimdedi, - dep habarlaidy "Ult aqparat".
"Balalardyń jappai aýyryp jatqany týraly málimet shyndyqqa janaspaidy. Sońǵy kúnderi áleýmettik jelilerde qazaqstandyqtar koronavirýs juqtyrǵan balalar arasynda Kavasaki sindromy jappai anyqtalyp jatqany týraly habarlama taratyp jatyr.
Osyǵan bailanysty Densaýlyq saqtaý ministrligi qazirgi ýaqytta álemniń kóptegen elinde, sondai-aq, Qazaqstanda koronavirýstyń jeńil nemese simptomsyz túrimen aýyrǵan balalar arasynda kópjúieli qabyný sindromy tirkeletinin habarlaidy. Ony Kavasaki sindromy dep te ataidy. Biraq mundai aýrý óte sirek kezdesedi, sondyqtan koronavirýspen aýyrǵan barlyq bala bul sindrommen aýyra bermeidi", - dedi ministrliktiń baspasóz qyzmeti.
