قازاقستاندا بالالار اراسىندا كاۆاساكي سيندرومىنىڭ ٶرشۋٸ تۋرالى اقپارات شىندىققا جاناسپايدى. بۇل تۋرالى ريا نوۆوستيگە دەنساۋلىق ساقتاۋ مينيسترلٸگٸنٸڭ باسپاسٶز قىزمەتٸ مەلٸمدەدٸ, - دەپ حابارلايدى "ۇلت اقپارات".
"بالالاردىڭ جاپپاي اۋىرىپ جاتقانى تۋرالى مەلٸمەت شىندىققا جاناسپايدى. سوڭعى كٷندەرٸ ەلەۋمەتتٸك جەلٸلەردە قازاقستاندىقتار كوروناۆيرۋس جۇقتىرعان بالالار اراسىندا كاۆاساكي سيندرومى جاپپاي انىقتالىپ جاتقانى تۋرالى حابارلاما تاراتىپ جاتىر.
وسىعان بايلانىستى دەنساۋلىق ساقتاۋ مينيسترلٸگٸ قازٸرگٸ ۋاقىتتا ەلەمنٸڭ كٶپتەگەن ەلٸندە, سونداي-اق, قازاقستاندا كوروناۆيرۋستىڭ جەڭٸل نەمەسە سيمپتومسىز تٷرٸمەن اۋىرعان بالالار اراسىندا كٶپجٷيەلٸ قابىنۋ سيندرومى تٸركەلەتٸنٸن حابارلايدى. ونى كاۆاساكي سيندرومى دەپ تە اتايدى. بٸراق مۇنداي اۋرۋ ٶتە سيرەك كەزدەسەدٸ, سوندىقتان كوروناۆيرۋسپەن اۋىرعان بارلىق بالا بۇل سيندروممەن اۋىرا بەرمەيدٸ", - دەدٸ مينيسترلٸكتٸڭ باسپاسٶز قىزمەتٸ.
