QR Densaýlyq saqtaý ministri Aleksei Tsoi QR Prezidenti Qasym-Jomart Toqaev bastaǵan memlekettik delegatsiia quramynda jumys saparymen Shveitsariiada júr.
Búgin Jenevada Memleket basshysynyń sapary aiasynda Qazaqstan-Shveitsariia biznes-forýmy ótti. Forýmda Qazaqstan Respýblikasynyń Prezidenti Qasym-Jomart Toqaev pen Roche farmatsevtikalyq kompaniialar toby direktorlar keńesiniń tóraǵasy Kristof Frants QR Densaýlyq saqtaý ministrligi men Roche kompaniiasy arasynda strategiialyq áriptestik týraly negizdemelik kelisimge qol qoiylǵan kezdesý ótkizdi, dep habarlaidy ministrliktiń baspasóz qyzmeti.
Negizdemelik kelisim Qazaqstan Respýblikasynyń aýmaǵynda farmatsevtikalyq ónerkásipti damytý jáne dárilik zattardyń jergilikti óndirisiniń úlesin ulǵaitý, atap aitqanda, onkologiialyq aýrýlardy emdeýge arnalǵan dárilik zattar óndirisin oqshaýlaý jónindegi jobany iske asyrý maqsatynda QR Densaýlyq saqtaý ministrligi men Roche kompaniiasy arasyndaǵy yntymaqtastyqtyń qaǵidattary men nietin belgileýge baǵyttalǵan.
Qymbat baǵaly innovatsiialyq ónimder óndirisin damytý, salany tehnologiialar transferi, biregei dárilik zattardy oqshaýlaý jáne sýbstantsiialar óndirisi baǵytynda ilgeriletý búgingi kúni sala úshin mańyzdy mánge ie. Otandyq óndiristi damytý úshin qýatty yntalandyrý BIGPHARMA TOP-50 iri álemdik farmatsevtika indýstriiasymen ózara is-qimyldy damytý bolyp tabylady.
Sondai-aq, QR Densaýlyq saqtaý ministrliginiń basshysy Sandoz-tiń Eýropa boiynsha basshysy jáne Sandoz Atqarýshy komitetiniń múshesi Rebekka Gýnternmen kezdesý ótkizdi, onda QR-da dárilik zattar-generikter men biosimiliarlar óndirisin oqshaýlaý boiynsha jobany iske asyrý máseleleri talqylandy.
Sonymen qatar, QR DSM basshysy Aleksei Tsoi «m-3 Group» holdinginiń prezidenti Abdalla Shatilamen kelissózder júrgizdi.
Taraptar birlesken yntymaqtastyqqa qyzyǵýshylyq tanytyp, «m-3 Group» holdinginiń usynystaryn qaraýǵa daiyn ekendikterin bildirdi.
Esterińizge sala keteiik, QR Densaýlyq saqtaý ministrligi men «m-3 Group» holdinginiń ókilderi arasynda yqtimal yntymaqtastyq máselelerin talqylaý boiynsha onlain-kezdesý ótti. Kezdesý aiasynda QR BǴM «Biologiialyq qaýipsizdik problemalarynyń ǴZI» men holding arasynda Meditsinalyq jáne veterinariialyq vaktsinalardy óndirý men eksporttaýdy uiymdastyrý úshin yntymaqtastyq týraly Memorandýmǵa qol qoiyldy.
Anyqtama: F. Hoffmann-La Roche kompaniialar tobyna kiretin shveitsariialyq Roche holdingi-farmatsevtika jáne diagnostika salasyndaǵy álemdik kóshbasshylardyń biri. Onkologiia, virýsologiia, revmatologiia jáne transplantologiia salasynda biotehnologiialyq dárilik preparattardyń jetekshi óndirýshileriniń biri bolyp tabylady. 1896 jyly Bazelde qurylǵan. Álemniń 150 elinde ókildikteri jáne 90 myń qyzmetkerden turatyn shtaty bar. Qazaqstanda 1993 jyly kompaniianyń ókildigi quryldy, al 2013 jyldan bastap holdingtiń múddesin «Rosh Qazaqstan» JShS usynady.
Sandoz AG infektsiialyq, dermatologiialyq, onkologiialyq, respiratorlyq aýrýlardy jáne adamnyń júrek – qantamyr jáne ortalyq júike júiesiniń buzylystaryn emdeýge arnalǵan biosimiliarlar men djenerikter - qaita óndirilgen dárilik zattardy ázirleý men óndirýde álemdik kóshbasshy bolyp tabylady. SANDOZ dári-dármekterin álemniń 140 elinde 500 millionnan astam adam paidalanady. 2019 jyly kompaniianyń satý kólemi 9,7 mlrd.
«M3Group» holdingi óz qyzmetin 1950 jyldan bastap densaýlyq saqtaý, jyljymaityn múlik, qonaq úi biznesi jáne qaýipsizdik qyzmetteri siiaqty 4 salada júzege asyrady. Kompaniiada Shveitsariiada koronavirýstyq infektsiiaǵa qarsy vaktsinatsiia ortalyqtarynyń jelisi bar. Sondai-aq, Shveitsariia men Frantsiiada jylyna 350 million maska shyǵaratyn meditsinalyq maskalar shyǵaratyn zaýyttar iske qosyldy.
Holding Qazaqstandyq naryq pen eksport úshin Qazaqstanda «QazVac» vaktsinasyn óndirýge nemese ony shetelde (Shveitsariiada nemese Frantsiiada) óndirýge litsenziia alýǵa múddeli.
