Qazaqstan Densaýlyq saqtaý ministrligi 28 naýryz tańerteńgi saǵat 10.05-te taǵy 41 adamnan koronavirýs tabylǵanyn habarlady. Nur-Sultanda - 32 adam, Almatyda - 2 adam, Shyǵys Qazaqstan oblysynda - 2 adam, Aqmola oblysynda - 2 adam, Almaty oblysynda - 1 adam, Qyzylorda oblysynda - 1 adam, Atyraý oblysynda 1 adamnan virýs tabylǵan.
Osylaisha elde koronavirýs juqtyrǵandar sany kúrt artyp, naýqastar sany 191 adamǵa jetti:
- Nur-Sultanda - 107 adam
- Almatyda - 57 adam
- Qaraǵandyda - 4 adam
- Jambyl oblysynda - 3 adam
- Atyraý oblysynda - 4 adas
- Aqmola oblysynda - 5 adas
- Shymkentte - 2 adam
- Shyǵys Qazaqstan oblysynda - 2 adam
- Almaty oblysynda - 2 adam
- Aqtóbe oblysynda - 1 adam
- Soltústik Qazaqstan oblysynda - 1 adam
- Pavlodar oblysynda - 1 adam
- Mańǵystaý oblysynda - 1 adam
- Qyzylorda oblysynda - 1 adam.
26 naýryz keshkisin Nur-Sultanda 64 jastaǵy áiel adam Covid-19 dertinen qaitys boldy. Onyń koronavirýs juqtyrǵany qaitys bolǵan soń anyqtalǵan.
27 naýryzda Pavlodar, Atyraý jáne Mańǵystaý oblysynda koronavirýs alǵash ret tirkeldi.
Qazaqstanda koronavirýsqa bailanysty 15 sáýirge deiin tótenshe jaǵdai. 19 naýryzdan bastap Almaty men Nur-Sultan qalalary karantinge kóshti.
Al 28 naýryzdan bastap eldegi iri úsh qalada - Almaty, Nur-Sultan, Shymkentte shekteýler kúsheiedi:
- Endi úsh qaladaǵy jurt jumysqa, azyq-túlik jáne dári alýǵa ǵana shyǵa alady.
- Park, jaiaý júrginshiler kóshesi, jaǵalaýlar, oiyn alańdary jabylady.
- Qoǵamdyq kólikterdiń jumysy shektele bastaidy.
- Qoǵamdyq oryndarda úsh adamnan artyq jinalýǵa bolmaidy. Bul shekteýdiń bir otbasynyń adamdaryna qatysy joq.
- Balalar eresektersiz kóshege shyǵýǵa tyiym salynady.
Ótken jyldyń sońynda Qytaida alǵash ret tirkelgeli beri álemde koronavirýs juqtyrǵanar jarty millionnan asyp ketti. Dúniejúzilik densaýlyq saqtaý uiymy Covid-19 koronavirýsyn "pandemiia" dep jariialaǵan.
