QR Bas memlekettik sanitarlyq dárigeriniń 5 shildeden bastap Qazaqstan aýmaǵynda qatań karantin sharalaryn engizý týraly qaýlysy jariialandy, dep habarlaidy "Ult aqparat".
***
Qazaqstan Respýblikasynyń halqy arasynda COVID-19 koronavirýstyq infektsiiasynyń taralýynyń aldyn alý maqsatynda «Paida bolý jáne taralý qaýpi tóngen kezde shekteý is-sharalary, onyń ishinde karantin engiziletin infektsiialyq aýrýlar tizbesin bekitý týraly» Qazaqstan Respýblikasy Ulttyq ekonomika ministriniń 2015 jylǵy 25 aqpandaǵy № 130 buiryǵyna jáne «Qazaqstan Respýblikasynyń aýmaǵynda shekteý is-sharalaryn, onyń ishinde karantindi júzege asyrý qaǵidalaryn bekitý týraly» Qazaqstan Respýblikasy Ulttyq ekonomika ministriniń 2015 jylǵy 20 naýryzdaǵy № 239 buiryǵyna sáikes QAÝLY ETEMIN:
1. Qazaqstan Respýblikasy Indýstriia jáne infraqurylymdyq damý ministrligi aviareisterdiń baǵyttary men jiiligin kóbeitpei, óńirler arasyndaǵy aviaqatynastardy saqtaýdy qamtamasyz etsin.
2. Qazaqstan Respýblikasy Indýstriia jáne infraqurylymdyq damý ministrligi, «Qazaqstan temir joly» ulttyq kompaniiasy» aktsionerlik qoǵamy:
1) jolaýshylardyń temir jol tasymaly kólemin qysqartýdy qamtamasyz etsin;
2) qala mańyndaǵy jolaýshylar poezdarynyń (elektrichka, jumys poezdaryn qospaǵanda) qozǵalysyn toqtata tursyn;
3) jolaýshylar poezdarynyń quramynda jalpy vagondardy qurýdy boldyrmasyn.
3. Oblystardyń, Almaty, Nur-Sultan, Shymkent qalalarynyń ákimderi, Ortalyq memlekettik organdar, quqyq qorǵaý jáne arnaiy organdar :
1) qalaaralyq avtobýs tasymaldaryn toqtata turýdy;
2) oiyn-saýyq, sporttyq is-sharalardy, kórmeler, forýmdar, konferentsiialar, sondai-aq otbasylyq, estelik is-sharalaryn (banketter, úilený toilary, mereitoilar, as berý), onyń ishinde úide jáne adamdar kóp jinalatyn ózge de is-sharalardy ótkizýge tyiym salýdy;
3) azyq-túlik sýpermarketteri men olardaǵy dárihanalardy qospaǵanda, saýda-oiyn-saýyq ortalyqtarynyń, saýda úileriniń, saýda jelileriniń qyzmetine tyiym salýdy;
4) oiyn-saýyq mekemeleriniń (karaoke, biliard, kompiýter klýbtary, túngi klýbtar, boýling ortalyqtary, attraktsiondar, balalardyń oiyn alańdary, batýttar jáne basqalary), kinoteatrlardyń qyzmetine tyiym salýdy;
5) barlyq mádeniet obektileriniń (teatrlar, kontsert zzaldary, murajailar, kórmeler jáne t.b.) qyzmetine tyiym salýdy;
6) dini obektilerdin (meshitter, shirkeýler, soborlar, sinagoga jáne t.b.) qyzmetin toqtata turýdy;
7) balalardy saýyqtyrý lagerleriniń, mektepke deiingi balalar mekemeleriniń, balalardyń túzetý kabinetteriniń, bilim berý ortalyqtarynyń, balalardy damytý ortalyqtarynyń, úiirmelerdiń, balalar men eresekterge arnalǵan kýrstardyń qyzmetine tyiym salýdy;
8) fýdkorttar, banket zaldarynyń qyzmetine tyiym salýdy;
9) SPA-ortalyqtardyń, jattyǵý zaldarynyń, fitnes-ortalyqtardyń, sporttyq-saýyqtyrý ortalyqtarynyń, basseinderdiń, qalalyq, qoǵamdyq jaǵajailardyń, ashyq akvaparkterdiń, qoǵamdyq monshalardyń, saýnalardyń, sulýlyq salondarynyń, shashtarazdardyń, kosmetikalyq jáne kosmetologiialyq qyzmet kórsetetin ortalyqtar men salondardyń qyzmetine, manikiýr men pedikiýr kórsetiletin qyzmetterine tyiym salýdy;
10) jabyq azyq-túlik jáne azyq-túlik emes bazarlarynyń qyzmetine tyiym salýdy;
11) 500 m2 artyq azyq-túlik emes dúkenderdiń tek jetkizý qyzmetin;
12) 65 jastan asqan turǵyndardyń jáne 3 adamnan artyq toptardyń júrip-turýyn shekteýdi;
13) qoǵamdyq kóliktiń qozǵalysyn shekteýdi;
14) óńirler arasynda jeke avtokóliktiń júrip-turýyna ruqsat berýdi;
15) áleýmettik qashyqtyqty jáne kúsheitilgen sanitariialyq-dezinfektsiialyq rejimdi saqtai otyryp, memlekettik organdardyń (uiymdardyń, kásiporyndardyń), kvazimemlekettik sektor organdarynyń, ulttyq kompaniialardyń, ózge de uiymdardyń, sondai-aq kásipkerlik sýbektileriniń qyzmetine ruqsat berýdi qamtamasyz etsin. Bul rette qyzmetkerlerdiń keminde 80%-y qashyqtyqtan jumys nysanynda qalady (shtat kestesinde 30-dan astam qyzmetker bolǵanda);
16) aimaqqa bólý jáne kúsheitilgen sanitariialyq-dezinfektsiialyq rejim talaptaryn saqtai otyryp, meditsinalyq ortalyqtardyń (jazylý boiynsha) qyzmetine ruqsat berýdi;
17) kúsheitilgen sanitariialyq-dezinfektsiialyq rejimdi saqtai otyryp jáne 50 % -nan asyrmai toltyra otyryp, halyqtyń turýy boiynsha qyzmet kórsetý salasyndaǵy týrizm obektileri men uiymdarynyń (qonaqúiler, otelder, demalys úileri, týristik bazalar jáne t.b.) qyzmetine ruqsat berýdi;
18) kúsheitilgen sanitariialyq-dezinfektsiialyq rejimdi saqtai otyryp dárihanalardyń, azyq-túlik dúkenderiniń (shaǵyn marketter, sýpermarketter, gipermarketter), azyq-túlik jáne azyq-túlik emes bazarlardyń (ǵimarattan tys) qyzmetine ruqsat berýdi;
19) kúsheitilgen sanitariialyq-dezinfektsiialyq rejimdi saqtai otyryp, ujymdyq is-sharalardy ótkizbei, ashyq aýadaǵy jáne úi-jaida 30-dan aspaityn otyratyn oryn ornata otyryp, qoǵamdyq tamaqtaný obektileriniń qyzmetine ruqsat berýdi;
20) kúsheitilgen sanitariialyq-dezinfektsiialyq rejimdi saqtai otyryp, úzdiksiz óndiristik tsikli bar ónerkásiptik kásiporyndardyń; ashyq aýadaǵy qurylys jumystarynyń, aýyl jáne balyq sharýashylyǵynyń, mal sharýashylyǵynyń qyzmetine ruqsat berýdi;
21) kúsheitilgen sanitariialyq-dezinfektsiialyq rejimdi saqtai otyryp, ýaqyt boiynsha shekteý arqyly halyqqa bailanyssyz qyzmet kórsetý obektileriniń (avtomobil jýý, avtomobilderdi, turmystyq tehnikany jóndeý jáne basqalary) qyzmetine ruqsat berýdi;
22) ýaqyt boiynsha shekteý arqyly jáne kúsheitilgen sanitariialyq-dezinfektsiialyq rejimdi saqtai otyryp, biznes-ortalyqtardyń (advokat, notariýs, býhgalter jáne konsalting kórsetiletin qyzmetteri, jyljymaityn múlik jónindegi agenttikter, jarnama agenttikteri, sot oryndaýshylary jáne t.b.), býkmeker keńseleriniń qyzmetine ruqsat berýdi;
23) kúsheitilgen sanitariialyq-dezinfektsiialyq rejimdi saqtai otyryp, ýaqyt boiynsha shekteý jáne qyzmetti barynsha onlain formatta kórsetý arqyly HQKO-nyń jumysyn uiymdastyrýdy;
24) kúsheitilgen sanitariialyq-dezinfektsiialyq rejimdi saqtai otyryp, ýaqyt boiynsha shekteý jáne qyzmetti barynsha onlain formatta kórsetý arqyly «Qazpochta» AQ-nyń jumysyn uiymdastyrýdy;
25) áleýmettik qashyqtyqty saqtai otyryp, 3 adamnan aspaityn toptarmen nemese bir otbasy múshelerimen oiyn-saýyq obektileri joq saiabaqtarǵa, alańdar men skverlerge, jaǵalaýlarǵa jáne halyqtyń basqa da demalys oryndaryna barýǵa ruqsat berýdi;
26) ashyq aýadaǵy jeke jattyǵýlarǵa ruqsat berýdi;
27) qoǵamdyq kólikke, taksige, ónerkásiptik aýmaqtarǵa, áýejailarǵa, aýlalyq balalar alańdaryna, azyq-túlik jáne azyq-túlik emes bazarlarǵa jáne basqa da qoǵamdyq oryndrǵa sanitariialyq jáne dezinfektsiialyq óńdeý júrgizýdi;
28) Qazaqstan Respýblikasy Ulttyq Bankiniń jáne Qazaqstan Respýblikasy Qarjy naryǵyn retteý jáne damytý agenttiginiń aktisine sáikes ýaqyty jáne sany boiynsha shektei otyryp, qarjy naryǵy sýbektileriniń qyzmetine ruqsat berýdi qamtamasyz etsin.
4. Oblystardyń, Almaty, Nur-Sultan, Shymkent qalalarynyń ákimderi, oblystardyń, Almaty, Nur-Sultan, Shymkent qalalarynyń taýarlar men kórsetiletin qyzmetterdiń sapasy men qaýipsizdigin baqylaý departamentteri, oblystardyń, Almaty, Nur-Sultan, Shymkent qalalarynyń politsiia departamentteri qyzmetine ruqsat berilgen obektilerde karantindik sharalardyń, sanitariialyq-dezinfektsiialyq rejimniń saqtalýyn baqylaýdy qamtamasyz etsin. Buzýshylyqtar anyqtalǵan jaǵdaida Ákimshilik quqyq buzýshylyq týraly kodekske sáikes tiisti ákimshilik sharalar qoldansyn.
5. Tiisti aýmaqtaǵy, kóliktegi bas memlekettik sanitariialyq dárigerler, Qazaqstan Respýblikasy Qorǵanys ministrliginiń, ulttyq qaýipsizdik jáne ishki ister organdarynyń, Qazaqstan Respýblikasy Prezidentiniń Is Basqarmasy vedomstvosynyń halyqtyń sanitariialyq-epidemiologiialyq salamattylyǵy salasyndaǵy qyzmetti júzege asyratyn qurylymdyq bólimsheleriniń basshylary qalyptasqan epidemiologiialyq jaǵdaiǵa bailanysty karantindik sharalardy qatańdatý týraly sheshim qabyldaýǵa quqyly.
6. Osy qaýlynyń oryndalýyn baqylaýdy ózime qaldyramyn.
7. Osy qaýly 2020 jylǵy 5 shildede 00 saǵat 00 minýttan bastap kúshine enedi.
Qazaqstan Respýblikasynyń
Bas memlekettik
sanitariialyq dárigeri A. Esmaǵambetova
