«Qazgidromet» RMK qarasha aiyndaǵy aýa raiy boljamyn málim etti, dep habarlaidy "Ult aqparat".
Málim etilgendei, qazannan qarashaǵa ótken kezde aýa temperatýrasynyń aitarlyqtai tómendeýi baiqalady. Kópjyldyq derekter boiynsha, respýblika aýmaǵynyń basym bóliginde aýa temperatýrasy 7-10°S-qa, al qiyr soltústik-shyǵysta 12-14°S-qa tómendeidi. Aýanyń ortasha ailyq temperatýrasy tek ońtústiktiń shetkeri aýmaqtarynda +1+6°S bolyp saqtalady. Al qalǵan aýmaqta qazirdiń ózinde termometr minýsqa túsken: soltústik óńirlerde -6-9°S, qiyr shyǵysta -11-14°S, qalǵan aýmaqta -0, -5°S.
Respýblikanyń soltústiginde, sondai-aq shyǵys pen ońtústik-shyǵystyń taýly jáne taý bókterindegi aýdandarda jaýyn-shashyn azaiady. Al qalǵan aýmaqtarda, kerisinshe, kóbeiedi.
Bir ai boiy jaýyn-shashyn (kóbinese qar túrinde), burqasyn, ekpindi jel, kóktaiǵaq, tuman jii kútiledi.
Qarasha aiynyń basynda QR soltústik jartysy men ortalyǵynda, odan keiin shyǵysta jaýyn-shashyn (jańbyr, qar) jáne aýa temperatýrasynyń túnde -3-11°S, kúndiz -5+3°S deiin birtindep tómendeýi kútiledi. Odan ári birinshi onkúndiktiń ekinshi jartysynda temperatýra túnde -6+2°S deiin, kúndiz +3+8°S deiin joǵarylaýy boljanady. Onkúndiktiń sońynda aýa temperatýrasy túnde -5-13°S, kúndiz 0,-8°S deiin tómendeýi yqtimal.
Elimizdiń batysy men ońtústik-batysynda jańbyr jaýyp, kúndiz aýa temperatýrasy +13+22°S-qa deiin kóteriledi. Jaýyn-shashyn (jańbyr, qar) jáne temperatýranyń túnde -5-10°S, ońtústik-batysta -3°S, kúndiz -3+5°S deiin tómendeýi boljanady.
Respýblikanyń ońtústik jáne ońtústik-shyǵysynda onkúndiktiń birinshi jáne ekinshi jartysynda jaýyn-shashyn kútiledi. Birinshi onkúndiktiń basynda aýa kúndiz +10+18°S deiin jylynady, onkúndiktiń ortasynda jáne sońynda temperatýra túnde -5+3 deiin, ońtústik-shyǵysta -10°S deiin, kúndiz +3+10°S deiin, Almaty oblysynyń taýly aýdandarynda 0°S deiin tómendeidi dep kútilýde.
Respýblikanyń soltústik jartysyndaǵy eń sýyq kúnder ekinshi jáne úshinshi onkúndikterdiń sońynda boljanady. Termometr baǵandary túngi saǵattarda -10-20°S deiin, qiyr soltústikte -22-27°S deiin, kúndiz -5-18°S deiin tómendeidi. Birinshi onkúndiktiń sońynda - +12+20°S.
Bir ai ishinde jyly jáne aiazdy kúnderdiń jii ózgerýi kútilýde, ásirese eldiń soltústik jartysynda.
Osylaisha, Qazaqstannyń basym bóliginde aýa temperatýrasy normaǵa jýyq bolady. Eldiń soltústik-batysynda – normadan 1°S joǵary, ońtústiktiń, ońtústik-shyǵys pen shyǵystyń taýly jáne taý bókterli aýdandarynda - normadan 1°S tómen bolady dep kútilýde.
Qarasha aiy jaýyn-shashyndy bolmaq. Respýblikanyń tek ońtústik-batysynda jaýyn-shashyn mólsheri normadan az bolady dep boljanýda.
Qarasha aiynda qar jamylǵysy paida bolady jáne turaqty saqtalady. Kópjyldyq derekter boiynsha qar jamylǵysynyń belgilengen kúni:
- soltústik jáne shyǵys óńirlerde - birinshi onkúndiktiń sońynda jáne qarashanyń ortasynda:
- Qazaqstannyń ortalyq bóliginde – qarashanyń ekinshi jartysynda;
- eldiń batysy men ońtústik-shyǵysynda – qarashanyń aiaǵy men jeltoqsannyń birinshi jartysynda;
- respýblikanyń ońtústiginde jáne ońtústik-batysynda jeltoqsannyń úshinshi onkúndiginde.
«Bir aiǵa arnalǵan boljamdy konsýltativtik boljam retinde paidalaný kerek. Ol keiinnen onkúndikke arnalǵan aýa raiy boljamdarymen naqtylanady», - dedi Qazgidrometten.
