QR Bas memlekettik sanitariialyq dárigerinińkoronavirýstyń taralýyn aldyn alý jónindegi sharalardy odan ári kúsheitý týraly jańa qaýlysy jariialandy, dep habarlaidy "Ult aqparat".
Jańa qaýlyǵa sáikes, densaýlyq saqtaý uiymdarynda, jedel meditsinalyq járdem mashinalarynda, jergilikti atqarýshy organdar karantin úshin aiqyndaǵan úi-jailarda, sondai-aq meditsina qyzmetkerleri úide meditsinalyq kómek kórsetý, oshaqta epidemiologiialyq tergep-tekserý júrgizý, naýqastardan jáne bailanysta bolǵan adamdardan suraý jáne saýalnama alý kezinde aýdio, foto jáne beine túsirilim júrgizýge tyiym salynady.
Sonymen qatar, qoǵamdyq tamaqtaný obektilerinde kaliandy paidalanýǵa tyiym salynady.
Sondai-aq, meditsinalyq uiymdarda, qarttar men múmkindigi shekteýli adamdarǵa arnalǵan meditsinalyq-áleýmettik obektilerde, sábiler úilerinde, balalar úilerinde, áleýmettik ońaltý ortalyqtarda, múgedek balalarǵa arnalǵan, internat tipindegi oqý oryndarynda karantindi jáne sanitariialyq-dezinfektsiialyq rejimdi saqtaýdy qamtamasyz etsin. Áleýetti ata-analar berilgen kúninen bastap 3 táýlikten aspaǵan, teris nátijesi bar PTR ádisimen COVID-19-ǵa zerthanalyq tekserilgeni týraly qujatty usynǵan kezde jetim balalardy odan ári asyrap alý, qorǵanshylyqty, qamqorshylyqty belgileý úshin olarmen kezdesýge sábiler úileri men balalar úilerine barýǵa ruqsat etiledi.
Qaýlynyń tolyq mátinin myna jerden kórýge bolady.
