QR Premer-Ministri Asqar Mamin QR aýmaǵynda koronavirýs infektsiiasynyń taralýyna jol bermeý jónindegi vedomstvoaralyq komissiianyń (VAK) selektorlyq otyrysyn ótkizdi.
QR-da koronavirýs infektsiiasynyń taralýy baqylanatyn deńgeide tur. Koronavirýs infektsiiasymen jańadan syrqattanǵandardyń táýliktik ósimi 0,4%-dy, reprodýktivtik kórsetkishi 0,9-dy quraidy. Infektsiialyq tósek oryndarynyń tolymdylyǵy – 28%, reanimatsiialyq tósek oryndarynyń tolymdylyǵy – 20%. 5 óńir joǵary jáne ortasha táýekel aimaqtarynda ornalasqan, atap aitsaq: Atyraý, Qostanai, Pavlodar, Soltústik Qazaqstan jáne Aqmola oblystary.
Kelesi jylǵy qańtar-aqpan ailarynda JRVI men tumaýdyń ósýi aiasynda koronavirýs infektsiiasymen syrqattaný deńgeiiniń artý qaýpi bar.
Osyǵan bailanysty VAK birqatar sheshim qabyldady:
- 2020 jylǵy 25 jeltoqsannan bastap 2021 jylǵy 5 qańtarǵa deiin oiyn-saýyq, sporttyq jáne basqa da buqaralyq is-sharalardy, onyń ishinde jańa jyldyq erteńgilikter men merekelik korporativterdi ótkizýge tyiym salynady.
- Epidemiologiialyq jaǵdai turaqtalǵanǵa deiin «Teńiz» ken ornynda shekteý sharalary kúsheitiledi.
- Bólshek saýda jelisinde antikovidti dárilik zattardyń baǵasyn orta eseppen 24%-ǵa tómendetý boiynsha sharalar qabyldaý.
Sonymen qatar bilim berý sapasyn qamtamasyz etý maqsatynda, Bilim jáne ǵylym ministrliginiń usynysy boiynsha, sondai-aq qoǵamnyń pikirin eskere otyryp, kelesi sheshimder qabyldandy:
- oqý jylynyń III toqsanynan bastap bitirýshi synyptar úshin (9,11,12 synyptar) sanitarlyq-epidemiologiialyq talaptardy saqtai otyryp, aralas oqytý (pánderdiń 70%-yn – dástúrli formatta, 30%-yn – qashyqtan) qarastyrylsyn;
- oqý jylynyń III toqsanynan bastap mektep oqýshylarynyń bilimindegi olqylyqtardyń ornyn toltyrý maqsatynda sabaqtan tys ýaqytta 5 adamnan aspaityn toptarda jeke konsýltatsiia uiymdastyrylsyn;
- II semestrden bastap kolledjder men joǵary oqý oryndarynyń birinshi kýrs stýdentterin aralas oqytý qaita bastalsyn.
Úkimet basshysy ákimderge óńirdegi epidemiologiialyq jaǵdaiǵa bailanysty jaǵdaidy turaqtandyrý maqsatynda qajetti shekteý sharalaryn qabyldaýdy tapsyrdy.
Premer-Ministr ákimderdiń nazaryn qoǵamdyq oryndardy, mektepter men balabaqshalardy sapaly sanitarlyq óńdeý, sondai-aq egý pýnktterin vaktsinatsiialaýǵa daiyndaý qajettigine aýdardy.
Ishki ister ministrligine ákimdiktermen birlesip, mereke aldyndaǵy jáne mereke kúnderi sanitarlyq-epidemiologiialyq talaptardy saqtaýdy qamtamasyz etý tapsyryldy.
Aita keteiik, jiynda sanitarlyq-epidemiologiialyq ahýal týraly densaýlyq saqtaý ministri A. Tsoi, dári-dármekterge baǵa saiasatyn monitoringteý jumysy týraly Básekelestikti qorǵaý jáne damytý agenttiginiń tóraǵasy S. Jumanǵarin, karantindik sharalardyń saqtalýyn baqylaý týraly ishki ister ministri E. Turǵymbaev, óńirlerdegi jaǵdai týraly Atyraý oblysynyń ákimi M. Dosmuhambetov, Pavlodar oblysynyń ákimi Á. Sqaqov, Qostanai oblysynyń ákimi A. Muhambetov baiandady.
