ekaraganda.kz málimetinshe, keiingi eki kúnde oblys ortalyǵynda qant satylymy bes ese artqan. Aldaǵy kúnderi sóreler qaitadan toltyrylady.
Qaraǵandy oblysy ákimdigi turǵyndardy dúrbeleń týdyrmai, sabyr saqtaýǵa shaqyrdy.
"Búginde kún saiyn jetkizý júrip jatyr, jumys rejimi boiynsha. Ai basynan beri kommertsiialyq qoimalarǵa 2 240 tonna taýar tústi. 18 aýryzǵa qarai taǵy 1500 tonna taýar keledi. Qoimalarǵa kún saiyn taýar ákelinedi. Ol úshin qarjy resýrsy men kommertsiialyq kelisimder bar", - dedi ákimdik ókilderi.
Dál osyndai jaǵdai Atyraýda da baiqalǵan. Qalada qant baǵasy ósip ketken, al keibir dúkenderde múlde joq.
Al Oralda ekinshi kún qatarynan dúkender men bazarda qant joq. Iri sýpermarketterde kezek.
Qant tapshylyǵy problemasy Kókshetaýda da baiqalǵan.
Eldegi qant tapshylyǵy problemasyna saýda jáne integratsiia ministrliginiń resmi ókili Álisher Ómirzaq jaýap berdi. Onyń aitýynsha, búginde elde qant tapshylyǵy joq.
"Saýda jelileri men turaqtandyrý qorlarynda bul áleýmettik mańyzy bar azyq-túlik taýarynyń qory kemi úsh aiǵa jetkilikti. Sonymen qatar qant óndirisi jalǵasyp jatyr, toqtamaidy! Qor toltyrylyp otyrady. Iaǵni "úsh aidan keiin qor taýsylady, qant tapshylyǵy bolady" - degen aqparat shyndyqqa janaspaidy. Eldegi qant óndirisinen bólek, ózge elderden importtaý múmkindigi bar. Sondyqtan ajiotajǵa erik bermeýge shaqyramyz", - dedi Álisher Ómirzaq.
