Qazaqstanda "Qańtar oqiǵasyna" qatysqandarǵa raqymshylyq jasaý josparlanyp otyr. Bul týraly "Raqymshylyq jasaý týraly" Qazaqstan Respýblikasy Zańynyń jobasy boiynsha retteýshilik saiasattyń konsýltativ qujatynda aitylǵan, - dep habarlaidy Tengrinews.kz.
Qylmystyq jaýaptylyqqa tartý "Qańtardaǵy oqiǵalar" boiynsha is júrgizýde 391 qylmystyq is bar. Olar boiynsha 383 kúdikti, aiyptalýshy bolyp ótedi.
Qujatta bultartpaý sharalary boiynsha: eshqaida ketpeý týraly qolhat - 153, kúzetpen ustaý - 147 adam, úiqamaqqa alý - 24, kepil - 19, jeke kepilgerlik - 2, bultartpaý sharasy tańdalmady - 28, izdeýde - 10 adam.
Sottyń is júrgizýinde 102 adamǵa qatysty 36 is bar ekeni anyqtaldy. Sottalǵandar - 1 035, onyń ishinde, bas bostandyǵynan aiyrý oryndarynda jazasyn óteýshiler - 93; probatsiiada - 930; 3 adamǵa aiyppul taǵaiyndaldy; qoǵamdyq jumystar - 9; túzeý jumystaryna eshkimdi mindettemegen.
"Sipattalǵan máseleni sheshýdiń usynylǵan joldary Qylmystyq teris qylyqtar jáne onsha aýyr emes, aýyrlyǵy ortasha, aýyr jáne asa aýyr qylmystar jasaǵan adamdarǵa, olardyń sottylyǵyn alyp tastap, raqymshylyq jasaý. Qylmystyq teris qylyqtar men onsha aýyr emes jáne aýyrlyǵy ortasha qylmystar jasaǵan adamdardy qylmystyq jaýaptylyqtan tolyq bosatý usynylady", - delingen habarlamada.
Al aýyr jáne asa aýyr qylmystar jasaǵan adamdarǵa jaza merzimi qysqartylýy múmkin.
"Zań jobasynyń kúshi memleketke opasyzdyq jasaýǵa bailanysty qylmystar jasaǵan; jappai tártipsizdikterdi, sybailas jemqorlyq qylmysty, terroristik qylmysty, ekstremistik qylmysty, azaptaýdy uiymdastyrǵan, sondai-aq, qylmystardyń qaitalanýy nemese qylmystardyń qaýipti qaitalanýy kezinde jaza taǵaiyndalǵan adamdarǵa qoldanylmaidy", - delingen qujatta.
Eske salaiyq, 1 qyrkúiektegi Prezident Qasym-Jomart Toqaev Qazaqstan halqyna Joldaýynda "Qańtar oqiǵasyna" qatysýshylarǵa raqymshylyq jariialaǵan bolatyn.
