QR Bas prokýrory Qazaqstandaǵy qańtar oqiǵasy boiynsha qansha sheteldik ustalǵanyn aitty, dep habarlaidy QazAqparat.
«Qazirgi kezde 19 sheteldik ustaldy. Olardyń arasynda Resei, Ózbekstan jáne Qyrǵyzstan azamattary bar. Olar jappai tártipsizdikke qatysqan, iaǵni jappai tártipsizdik boiynsha ustaldy», - dedi Berik Asylov Májilistiń jalpy otyrysynan keiin tilshilerin saýalyna jaýap bere otyryp.
Buǵan deiin habarlanǵandai, QR Bas prokýrory biyl qańtarda Qazaqstan óziniń táýelsizdiginde mundai qatygezdikke alǵash ret tap bolǵanyn aitty.
Eske sala keteiik, búgin Májilistiń jalpy otyrysynda Bas prokýratýra, Ishki ister, sybailas jemqorlyqqa qarsy qyzmet jáne basqa da memlekettik organ basshylary «qańtar oqiǵasyna» qatysty tergeý barysy týraly depýtattar saýalyna jaýap berdi.
