Qazaqstanda qant tapshylyǵy joq. Bul týraly QR Aýyl sharýashylyǵy ministrliginen málim etti, dep habarlaidy QazAqparat.
«Respýblikada qant qory shamamen 67 myń tonnany quraidy. Qant óndirisi úzdiksiz júzege asyrylyp jatyr.
Qazaqstannyń turaqtandyrý qorlary, saýda nysandary men respýblikanyń qoimalaryndaǵy qant qory shamamen 31 myń tonnany quraidy. Budan bólek, zaýyttarda óńdeýge arnalǵan 36 myń tonna qurǵaq qant shikizaty bar. Qosymsha 16 myń tonna qant shikizaty jolda kele jatyr», - delingen ministrlik habarlamasynda.
Vedomstvo aqparatyna sáikes, qant zaýyttaryndaǵy ónim óndirisi úzdiksiz júrip jatyr. Ishki naryqqa qantty «Azyq-túlik korporatsiiasy» UK» AQ jetkizip turady.
«Baǵalardy turaqtandyrý úshin zaýyttar óńirlerdiń turaqtandyrý qorlaryna, saýda jelilerine jáne jetkizýshilerge tieýdi, quramynda qant bar ónimderdi óndirýshilerge olardyń ótinimderine sáikes jetkizýdi júzege asyrady.
Biyl mamyr aiynda barlyǵy 30 myń tonnadan astam júk tieldi, maýsym aiynda 44,8 myń tonna qant jóneltý josparlanyp otyr.
Aýyl sharýashylyǵy ministrligi ónimdi óńirlerge jedel jetkizý úshin múddeli taraptarmen birlesip, Qazaqstan aýmaǵy boiynsha temir jol kóligimen júkterdi (aq qant, quraq qant shikizaty) kedergisiz ótkizý máselesin pysyqtap jatyr», - dedi QR AShM-nan.
