Qazirgi ýaqytta Qazaqstanda negizgi azyq-túlik taýarlarynyń qory jasaldy, - dep habarlaidy "Ult aqparat" Saýda jáne integratsiia ministrligine silteme jasap.
"Óńirler men Saýda jelileri odaǵynyń aqparaty boiynsha, turaqtandyrý qorlary men saýda obektilerinde qant qorlary jetkilikti", - delingen habarlamada.
Sonymen qatar, jetkizýshilerdiń geografiiasyn keńeitý maqsatynda daiyn qant óndirý úshin basqa elderden shiki qant satyp alý jumysy júrip jatqany aityldy.
"Qazaqstanda biyl tamyz aiynyń sońyna deiin kedendik bajdardy tólemei 250 myń tonna qant ákelý múmkindigi bar.
Qant baǵasyn turaqty deńgeide ustap turý úshin ortalyq jáne jergilikti atqarýshy organdar saýda obektileriniń «ainalym shemasyn» paidalanýdy jáne turaqtandyrý qorlarynan interventsiialardy qosa alǵanda, birqatar sharalar qabyldaityn bolady", - dep naqtylady ministrlik.
Aita keteiik, 2021 jyly Qazaqstanda menshikti qant óndirisi 276,9 mln tonnany qurady, bul 2020 jylǵy kórsetkishten 89-ǵa joǵary.
QR-da qant pen sirneni tutynýdyń shamamen 60%-yn (ónerkásiptik paidalanýdy qosa alǵanda) importtyq ónim (shiki qant) quraidy. 2021 jyly Qazaqstanǵa basqa elderden 506,9 mln tonna qant jáne shiki qant importtaldy.
Resei Federatsiiasynan QR-ǵa 275,8 mln tonna ákelindi, bul ótken jylmen salystyrǵanda 12,7%-ǵa az. Braziliiadan – 164,6 mln tonna, Belarýsten – 35,5 mln tonna, Meksikadan - 30,4 mln tonna.
