Qazaqstanda qant óndiretin tórt zaýyt jumys isteidi. Bul týraly QR Aýyl sharýashylyǵy vitse-ministri Jeńis Óserbai aityp berdi, dep habarlaidy QazAqparat.
«Onyń ekeýi - Jambyl oblysynda, qalǵan ekeýi – Almaty oblysynda jumys isteidi. Qazir atalǵan zaýyttardy jańǵyrtý júrgiziledi, sondai-aq Jambyl oblysynda jańa zaýytty iske qosý josparlanǵan», - dedi spiker ortalyq kommýnikatsiialar qyzmetinde ótken baspasóz máslihatynda.
Óserbai Jambyl oblysynda Merki qant zaýytynyń barlyq ónimin óńdeýge 75 kún ketetinin atap ótti.
Bul shikizat pen qant qyzylshasyn egý alańdarynyń jetkiliksiz bolýyna bailanysty.
Sonymen birge, ol úsh zaýyt shiki qantty óńdep jatqanyn aitty. Jalpy alǵanda, zaýyttar aiyna shamamen 50 myń tonna qant óndire alady.
«Importty almastyrý boiynsha jumys júrgizilip jatyr. Negizgi mindet – qant óndiriletin óz qyzylshamyzdy ósirý. Jyl saiyn 350 myń tonnaǵa deiin qant qyzylshasy jinalady. Fermerlerdi yntalandyrý úshin aýqymdy sýarý baǵdarlamasy júrgizilýde. 2021 jyly qant qyzylshasyn satyp alýǵa shamamen 7 mlrd teńge bólindi», - dedi Jeńis Óserbai.
Sonymen birge, Pavlodar oblysynda taǵy bir zaýyt salý josparlanyp otyr, onyń qurylysyna ákimdik bastamashy bolǵan.
Qazirgi ýaqytta tehnikalyq-ekonomikalyq negizdeme ázirlendi, al zaýyttyń qurylys jumystary bastalǵan joq. Oǵan bir jyldan beri investor izdep jatyr.
Aita keteiik, saýda núktelerinde baǵany kóterý faktileri anyqtalsa, mynadai keri bailanys arnalaryna habarlasqan jón: jergilikti atqarýshy organdar (ákimdikter), QR Saýda jáne integratsiialar ministrligi tutynýshylar quqyǵyn qorǵaý komitetiniń «e-Tutynushy» saity, QR SIM saýda komiteti jáne QR Básekelestikti qorǵaý jáne damytý agenttigi.
