Qazaqstanda bir jyl ishinde qant baǵasy 60,5 paiyzǵa ósti. Bul týraly Ulttyq statistika biýrosynan málimdedi, - dep habarlaidy Tengrinews.kz.
Vedomstvo mamyr aiyndaǵy infliatsiia kórsetkishi 14 paiyz bolǵanyn eske saldy.
Biýro málimetinshe, 2022 jyldyń mamyr aiynda azyq-túlik taýarlarynyń baǵasy ótken jyldyń mamyrymen salystyrǵanda 19 paiyzǵa ósti, al basqa taýarlar 11,9 paiyzǵa qymbattaǵan.
"Azyq-túlik naryǵynda qant 60,5 paiyzǵa, kókónister 31,5 paiyzǵa, un 29,9 paiyzǵa qymbattady", - delingen habarlamada.
Aita keteiik, keshe ministr Baqyt Sultanov Qazaqstanda qant tapshylyǵy baryn moiyndaǵan edi. Ministr qant tapshylyǵy Resei Federatsiiasynyń qant eksportyna salǵan tyiymyna bailanysty ekenin aitty. Onyń aitýynsha, EEK Keńesiniń 2022 jyl 15 sáýirdegi sheshimi sheńberinde Qazaqstan Respýblikasyna 2022 jylǵy 31 tamyzǵa deiin 350 myń tonna kóleminde aq qant pen shiki quraq qantty bajsyz ákelý quqyǵy berilgen.
