قازاقستاندا بٸر جىل ٸشٸندە قانت باعاسى 60,5 پايىزعا ٶستٸ. بۇل تۋرالى ۇلتتىق ستاتيستيكا بيۋروسىنان مەلٸمدەدٸ, - دەپ حابارلايدى Tengrinews.kz.
ۆەدومستۆو مامىر ايىنداعى ينفلياتسييا كٶرسەتكٸشٸ 14 پايىز بولعانىن ەسكە سالدى.
بيۋرو مەلٸمەتٸنشە, 2022 جىلدىڭ مامىر ايىندا ازىق-تٷلٸك تاۋارلارىنىڭ باعاسى ٶتكەن جىلدىڭ مامىرىمەن سالىستىرعاندا 19 پايىزعا ٶستٸ, ال باسقا تاۋارلار 11,9 پايىزعا قىمباتتاعان.
"ازىق-تٷلٸك نارىعىندا قانت 60,5 پايىزعا, كٶكٶنٸستەر 31,5 پايىزعا, ۇن 29,9 پايىزعا قىمباتتادى", - دەلٸنگەن حابارلامادا.
ايتا كەتەيٸك, كەشە مينيستر باقىت سۇلتانوۆ قازاقستاندا قانت تاپشىلىعى بارىن مويىنداعان ەدٸ. مينيستر قانت تاپشىلىعى رەسەي فەدەراتسيياسىنىڭ قانت ەكسپورتىنا سالعان تىيىمىنا بايلانىستى ەكەنٸن ايتتى. ونىڭ ايتۋىنشا, ەەك كەڭەسٸنٸڭ 2022 جىل 15 سەۋٸردەگٸ شەشٸمٸ شەڭبەرٸندە قازاقستان رەسپۋبليكاسىنا 2022 جىلعى 31 تامىزعا دەيٸن 350 مىڭ توننا كٶلەمٸندە اق قانت پەن شيكٸ قۇراق قانتتى باجسىز ەكەلۋ قۇقىعى بەرٸلگەن.
