2020 jylǵy III toqsanda respýblika ekonomikasynda 8,7 mln adam jumyspen qamtyldy. 6,7 mln adam (jumyspen qamtylǵandardyń jalpy sanynan 76,5%) jaldamaly qyzmet boiynsha jumysqa tartylǵan. Jumyssyzdar sany (Halyqaralyq eńbek uiymynyń ádisnamasy boiynsha), 454,8 myń adamdy, jumyssyzdyq deńgeii – 5% qurady. Bul týraly Statistika komiteti habarlady.
2020 jyldyń III toqsanynda Qazaqstannyń eńbek naryǵyna COVID-19 pandemiiasy áseri saqtalýda. 2020 jyldyń ekinshi toqsanymen salystyrǵanda qyzmettiń toqtatylýyna bailanysty ýaqytsha jumyssyzdar sany 52% tómendedi, biraq áli de joǵary - 131,7 myń adam. Onyń 25% - saýda qyzmetkerleri, 21,4% - bilim, 10,3% - basqa qyzmetter kórsetý (shashtarazdar, sulýlyq salondary, usaq turmystyq qyzmetter).
Bul rette, 2020 jyldyń II toqsanymen salystyrǵanda. negizgi jumys ornynda jumys kóleminiń tómendeýine (tolyq emes jumys kúni) nemese jumys berýshiniń bastamasy boiynsha jumyspen qamtylǵandar sany 37% óstip, 380 myń adamdy qurady.Bul negizinen personaldy qysqartylǵan jumys kestesine aýystyrýmen bailanysty.
Jumyspen qamtý organdarynda 2020 jylǵy qazan aiynyń sońyna 222,4 myń adam jumyssyz retinde resmi tirkelgen. Tirkelgen jumyssyzdar úlesi jumys kúshiniń sanynyń 2,4%-yn qurady.
