«QazAvtoJol» UK» AQ Basqarma tóraǵasy Ulan Álipov Qazaqstanda qansha shaqyrym jol aqyly bolatynyn aityp berdi, dep habarlaidy QazAqparat.
«Biyl 5800 shaqyrym jolǵa tolyǵymen montajdaý jumystary júrgizilip, testtik rejimde iske qosylady. Stavka boiynsha máseleni bizge egjei-tegjeili zertteý mindeti júkteldi. Alda talai qoǵamdyq tyńdaý ótkiziledi. Tiisti tapsyrma túskennen keiin jumysty jalǵastyramyz. 2024 jyldyń aiaǵyna deiin 11 myń shaqyrym joldy aqyly etýimiz kerek», - dedi Ulan Álipov «QazAvtoJol» ulttyq kompaniiasynyń tikelei efirinde sóilegen sózinde.
Eske sala ketsek buǵan deiin Ulan Álipov «Nurly jol 2» baǵdarlamasy boiynsha qyzý jumys júrgizilip jatqanyn málim etken edi.
«Biyl bizdiń elde jóndeý jumystarymen 4 myń shaqyrym jol qamtyldy. Jalpy «Nurly jol 1» jáne «Nurly jol 2» baǵdarlamasy boiynsha jospardy oryndap kelemiz. Iaǵni 2015-2020 jyl aralyǵynda «Nurly jol 1» baǵdarlamasy boiynsha jumysty aiaqtap, 13 myń shaqyrym joldy qaita jóndeýden ótkizdik. 8 myń shaqyrym joldy I jáne II sanatty joldardyń qataryna engizdik. Biyldan bastap «Nurly jol 2» baǵdarlamasy bastaldy», - dedi ol.
