Eńbek jáne halyqty áleýmettik qorǵaý ministri Tamara Dúisenova Qazaqstanda qansha reseilik jumys isteitinin aitty, - dep habarlaidy Tengrinews.kz.
"Adamdar jumysqa ornalasý maqsatynda keledi, jumys istep jatqandaryn aitady, biraq biz 10 paiyzdyq shegerim bar ma, soǵan súienemiz. Eger ol bolsa, onda naqty jumys oryndary bar. Búginde Qazaqstan aýmaǵynda Resei Federatsiiasynyń 22,5 myń azamaty jumys istep, zeinetaqy jarnalaryn aýdaryp jatyr. Onyń ishinde 2022 jyldyń basynan beri 8 myń adam jumysqa ornalasqan", - dedi ministr.
Onyń aitýynsha, jumysqa ornalasqysy keletinder arasynda eń tanymaly - qyzmet kórsetý salasy.
"Olar negizinen qyzmet kórsetý salasyna keledi, bul - 72 paiyz. Ónerkásip - 16 paiyz, shamamen 9 paiyz - qurylys, 2 paiyz - aýyl sharýashylyǵy. Kásipterdiń ishinde býhgalter, klienttermen jumys jónindegi menedjerler, satýshylar, tasymaldaýmen ainalysatyn adamdar, júrgizýshiler bar. Bul shamamen top-5 mamandyq", - dedi Tamara Dúisenova.
