Qazaqstanda qansha mektep oqýshysy COVID-19-ǵa qarsy vaktsina alǵany belgili boldy, dep habarlaidy QazAqparat.
«Búginde 353,5 myń oqýshy (12 men 18 jas aralyǵy) koronavirýsqa qarsy vaktsinanyń birinshi komponentin aldy. Bul elimiz boiynsha ekpe alýǵa ruqsat etilgen jasóspirimderdiń 27,7 paiyzyn quraidy. Ekinshi komponentti 182 257 oqýshy aldy. Paiyzben shaqqanda 14,5 quraidy. Jasóspirimder arasynda vaktsina alý jaǵynan kóshti Túrkistan oblysy bastap tur. Ondaǵy oqýshylardyń 90 paiyzy ekpeniń birinshi komponentin aldy. Odan keiin ShQO tur. Atalǵan oblysta jasóspirimderdiń 82 paiyzy vaktsina saldyrdy», - dedi QR Densaýlyq saqtaý ministrligi tamaqtaný, tárbie jáne bilim berý obektilerin baqylaý jáne qadaǵalaý basqarmasynyń basshysy Maral Rahymjanova Ortalyq kommýnikatsiialar qyzmetinde ótken baspasóz máslihatynda.
Onyń aitýynsha, oqýshylar arasynda vaktsina alý protsesi qarqyndy júrip jatqanyna qaramastan mektepte karantin talaptary saqtalýy tiis.
«Mektep jáne mektepke deiingi bilim berý mekemelerinde saqtyq sharalaryn esten shyǵarmaý kerek. Tazalyq jumystary, maska taǵý jáne araqashyqty saqtaýdy umytpaǵan jón. Sondai-aq eldegi epidjaǵdaiǵa bailanysty mektep qabyrǵasynda kópshiliktiń qatysýymen ótetin is-sharalar ótkizýge tyiym salynady», - deidi ol.
