Foto:elements.envato.com
Energetika ministri Bolat Aqsholaqov Qazaqstandaǵy benzin men dizel otynynyń qory týraly aitty, - dep habarlaidy Tengrinews.kz.
Úkimet otyrysynda Energetika ministrligi basshysynyń aitýynsha, 22 tamyzdaǵy jaǵdai boiynsha munai bazalaryndaǵy jáne joldaǵy AI-92 markaly benzinniń jalpy qory - 180 myń tonna, bul 14 kúndik qajettilikti óteidi. Dizel otynynyń qory - 220,8 myń tonna, bul 13 kúnge jetedi.
"Munai óńdeý zaýyttaryndaǵy qorlar: AI-92 - 71 myń tonna; dizel otyny - 53,4 myń tonna. AI-92 benzinine qatysty jaǵdai turaqty, janar-jaǵarmai quiý stantsiiasy jelilerinde shekteýler joq", - dedi ministr.
Dizel otynyna kelsek, Aqsholaqovtyń aitýynsha, janarmai satýda shekteýler bar - talondar men kartochkalar arqyly jetkizýge kóshý, limit belgileý.
"Qazirgi ýaqytta zaýyttar janar-jaǵarmaidy jetkilikti kólemde óndiredi. Zaýyttaǵy qor shamamen 50 myń tonna bolady, alaida zaýyttan munai ónimderin jóneltý turaqsyz, bos vagon-tsisternalar jetkilikti mólsherde jetkizilmeidi, vagondardy jetkizý merzimi ulǵaiǵan", - dedi energetika ministri.
Ministrdiń aitýynsha, logistikalyq tizbektiń barlyq býynynyń - munai óńdeý zaýyttarynyń, "QazMunaiGaz", "Qazaqstan temir joly", sondai-aq memlekettik organdardyń jaqsy úilestirilgen jumysy qajet.
