فوتو:elements.envato.com
ەنەرگەتيكا مينيسترٸ بولات اقشولاقوۆ قازاقستانداعى بەنزين مەن ديزەل وتىنىنىڭ قورى تۋرالى ايتتى, - دەپ حابارلايدى Tengrinews.kz.
ٷكٸمەت وتىرىسىندا ەنەرگەتيكا مينيسترلٸگٸ باسشىسىنىڭ ايتۋىنشا, 22 تامىزداعى جاعداي بويىنشا مۇناي بازالارىنداعى جەنە جولداعى اي-92 ماركالى بەنزيننٸڭ جالپى قورى - 180 مىڭ توننا, بۇل 14 كٷندٸك قاجەتتٸلٸكتٸ ٶتەيدٸ. ديزەل وتىنىنىڭ قورى - 220,8 مىڭ توننا, بۇل 13 كٷنگە جەتەدٸ.
"مۇناي ٶڭدەۋ زاۋىتتارىنداعى قورلار: اي-92 - 71 مىڭ توننا; ديزەل وتىنى - 53,4 مىڭ توننا. اي-92 بەنزينٸنە قاتىستى جاعداي تۇراقتى, جانار-جاعارماي قۇيۋ ستانتسيياسى جەلٸلەرٸندە شەكتەۋلەر جوق", - دەدٸ مينيستر.
ديزەل وتىنىنا كەلسەك, اقشولاقوۆتىڭ ايتۋىنشا, جانارماي ساتۋدا شەكتەۋلەر بار - تالوندار مەن كارتوچكالار ارقىلى جەتكٸزۋگە كٶشۋ, ليميت بەلگٸلەۋ.
"قازٸرگٸ ۋاقىتتا زاۋىتتار جانار-جاعارمايدى جەتكٸلٸكتٸ كٶلەمدە ٶندٸرەدٸ. زاۋىتتاعى قور شامامەن 50 مىڭ توننا بولادى, الايدا زاۋىتتان مۇناي ٶنٸمدەرٸن جٶنەلتۋ تۇراقسىز, بوس ۆاگون-تسيستەرنالار جەتكٸلٸكتٸ مٶلشەردە جەتكٸزٸلمەيدٸ, ۆاگونداردى جەتكٸزۋ مەرزٸمٸ ۇلعايعان", - دەدٸ ەنەرگەتيكا مينيسترٸ.
مينيستردٸڭ ايتۋىنشا, لوگيستيكالىق تٸزبەكتٸڭ بارلىق بۋىنىنىڭ - مۇناي ٶڭدەۋ زاۋىتتارىنىڭ, "قازمۇنايگاز", "قازاقستان تەمٸر جولى", سونداي-اق مەملەكەتتٸك ورگانداردىڭ جاقسى ٷيلەستٸرٸلگەن جۇمىسى قاجەت.
