Foto:elements.envato.com
Ulttyq statistika biýrosy Qazaqstandaǵy eńbek naryǵyndaǵy jaǵdai týraly aitty, - dep habarlaidy Tengrinews.kz.
2022 jyldyń birinshi toqsanynda Qazaqstan ekonomikasynyń túrli salalarynda 8,8 million adam jumyspen qamtylǵan, onyń ishinde 6,7 million adam jaldamaly jumys istegen (ekonomikadaǵy jumyspen qamtylǵandardyń jalpy sanynyń 76,1 paiyzy), ózin-ózi jumyspen qamtyǵandar - 2,1 million adam (jumyspen qamtylǵandardyń jalpy sanynyń 23,9 paiyzy).
2021 jyldyń I toqsanymen salystyrǵanda jalpy jumyspen qamtylǵandar 35,2 myń adamǵa ósti, negizinen jaldamaly qyzmetkerler esebinen (30,8 myń adam).
"Jumyssyzdar sany 453,1 myń adam. Jumyssyzdyq deńgeii ózgerissiz - 4,9 paiyz. Jumyssyz, jumys izdemegen nemese jumys isteýge daiyn emes 63,1 myń adam", - dep habarlady biýro.
15 pen 28 jas aralyǵyndaǵy jastar arasyndaǵy jumyssyzdyq deńgeii 3,9 paiyz, jumys istemeitin jáne bilimmen nemese oqýmen ainalyspaityn jastar úlesi 6,7 paiyz.
2022 jyldyń sáýir aiynyń sońynda Eńbek jáne halyqty áleýmettik qorǵaý ministrliginiń jumyspen qamtý organdarynda 193 myń jumyssyz tirkelgen.
Anyqtama: Halyqaralyq eńbek uiymynyń ádisnamasy boiynsha jumyssyzdar - bul jumysy joq, ony belsendi izdegen jáne oǵan kirisýge daiyn adamdar.
