Foto: Tengrinews.kz
Qarjy naryǵyn retteý jáne damytý agenttigi Qazaqstanda taratylý satysynda turǵan bankterdiń tizimin atady.
Vedomstvo málimetinshe, qazirgi ýaqytta Qazaqstan naryǵynda 21 ekinshi deńgeili bank jumys isteidi.
Salystyrmaly túrde uzaq ýaqyt boiy taratý rásiminen ótip jatqan 9 bank bar, olar:
- 2006 jylǵy 26 jeltoqsanda litsenziiasynan aiyrylǵan "Valiýt-tranzit bank" 2007 jylǵy 1 naýryzdan bastap taratý protsesinen ótip jatyr;
- "Qazinvestbank", 2016 jylǵy 27 jeltoqsanda litsenziiasy qaitarylyp alyndy, 2018 jylǵy 24 qańtardan beri taratý júrip jatyr;
- Delta Bank, 2017 jylǵy 3 qarashada litsenziiasy alynǵan, taratý 2018 jylǵy 25 sáýirden beri júrgizilip jatyr;
- "Eksimbank Qazaqstan", 2018 jylǵy 28 tamyzda litsenziiasynan aiyryldy, taratý protsesi 2019 jylǵy 16 qańtardan beri jalǵasyp jatyr;
- "Astana Bank", 2018 jylǵy 19 qyrkúiekte litsenziiasy alyndy, taratý protsesi 2019 jylǵy 9 qańtardan beri jalǵasyp jatyr;
- Qazaq Banki, 2018 jylǵy 28 tamyzda litsenziiasy alynǵan, taratý protsesi 2018 jylǵy 12 jeltoqsannan beri jalǵasyp jatyr;
- Tengri Bank litsenziiasynan 2020 jyldyń 18 qyrkúieginde aiyrylǵan, taratý protsesi 2021 jyldyń 15 aqpanynan beri jalǵasyp jatyr;
- AsiaCredit Bank litsenziiasynan 2021 jyldyń 12 aqpanynda aiyrylǵan, taratý protsesi 2021 jyldyń 22 shildesinen beri júrip jatyr.
- Capital Bank Kazakhstan, litsenziiasy 2021 jylǵy 24 maýsymda qaitaryp alynǵan, taratý 2021 jylǵy 6 qazannan beri jalǵasyp jatyr.
Eske salaiyq, "Ashyq NQA" portalynda 26 shildege deiin "Qazaqstan Respýblikasynyń keibir zańnamalyq aktilerine qarjy uiymdarynyń qyzmetin retteý jáne qarjylyq qyzmetterdi tutynýshylardyń quqyqtaryn qorǵaý máseleleri boiynsha ózgerister men tolyqtyrýlar engizý týraly" qujat talqylanyp jatyr. Ol bankterdiń qyzmetin retteitin, Qazaqstan Respýblikasynyń Qarjy naryǵyn retteý jáne damytý agenttiginiń ókilettikterine qatysty ekeni aitylǵan.
