Qazaqstanda maýsymdyq kókónisterdiń baǵasy edáýir arzandady, dep habarlaidy "Ult aqparat" Energyprom.kz-ke silteme jasap.
Maýsymdyq kókónister arzandai túsýde. Qyzanaqtar men qiiarlardyń baǵasy aiyna 27-28% tómendegen.
Ótken aimen salystyrǵanda shildede jańa pisken qiiar baǵasy 28%, qyzanaq - 26,5%, oramjapyraq - 22%, kartop - 14,4%, sarymsaq - 10,7% arzandaǵan. Biraq basqa kókónisterdiń quny kóterilgen. Atap aitqanda, qyzylsha (+11,6%) men sábiz (+16%) qymbattaǵan. Sarapshylar muny kókónisterdiń jańa ónimderiniń bazarlarda paida bolýymen túsindiredi.
Shildede jemisterdiń ishinde banandar (minýs 5,5%) jáne apelsinder (minýs 3,7%) baǵasy arzandaǵan.
Et baǵasy týraly aitatyn bolsaq, taýyq ónimderi arzandady - jumyrtqa bir aidyń ishinde 2%, taýyqtyń san eti jáne taýyq tiisinshe 0,3 jáne 0,1% tómendegen.
Dándi daqyldardyń baǵasy ózgermegen, tek kúrish 2,1% qymbattaǵan.
