Aqparattyq tehnologiialar salasyndaǵy keńes berý jáne tájiribelik qyzmet kórsetý kólemi bir jyldyń ishinde shamamen bes ese ósken. Bul týraly energyprom.kz saity habarlady.
Kompiýterlik baǵdarlamalaý, sondai-aq keńes berý jáne osyǵan uqsas qyzmetter quny 2020 jyldyń birinshi jartyjyldyǵynda 153,5 mlrd teńgeni quraǵan – bul ótken jylmen salystyrǵanda 38,9 paiyzǵa kóp.
Bul salada qyzmet kórsetý kóleminiń ósýi besinshi jyl qatarynan baiqalyp otyr.
Sektordaǵy qyzmet kórsetý kóleminiń 90-ǵa jýyq paiyzy Qazaqstannyń eki bas qalasy – Almaty (69,5 mlrd tg) men Nur-Sultanda (68,1 mlrd tg) tirkelgen.
Sondai-aq, 2019 jyldyń qańtar-maýsym ailarymen salystyrǵanda, qyzmet kórsetý kóleminiń aitarlyqtai ósimi baiqalǵan: Nur-Sultanda 23,1 mlrd tg, al Almatyda — 17,8 mlrd tg. 1 mlrd jýyq teńgege jyldyq ósim sondai-aq Batys Qazaqstan oblysynda tirkelgen.
