Qazaqstanda iri biznestiń «ǵumyry» uzaq. Sektordaǵy kompaniialardyń 3,3 paiyzy elimizdiń naryǵynda shirek ǵasyrdan beri jumys istep keledi, dep habarlaidy Finprom.kz resýrsy.
«Osy jyldyń qańtarynda Qazaqstanda 446,7 myń zańdy tulǵa tirkeldi. Bul bir jyl burynǵy kórsetkishten 3 paiyzǵa kóp. Salystyrý úshin aitar bolsaq, ótken jyldyń dál osy kezeńinde 433,8 kásiporyn tirkelip, bir jyldaǵy ósim 5,1 paiyz bolǵan edi. Onyń ishinde jumys istep turǵan kompaniialardyń sany 308 myńǵa jetti. Jyldyq ósim birden 10,1 paiyzǵa artty. Qurylǵanyna bir jyl bolmaǵan kompaniialar sany - 36,1 myń. Al bir jyl buryn olardyń sany 38,6 myń bolǵan. Bir jyldan 5 jylǵa deiin jumys istep turǵan kompaniialar sany – 119,9 myń» delingen taratylǵan aqparatta.
Finprom.kz málimetinshe, Qazaqstanda jumys istep turǵan kompaniialardyń 19,3 paiyzynyń qurylý tarihy 6-10 jyldy, 14,6 paiyzy 11-15 jyldy, 9,3 paiyzy 16-20 jyldy, 5,2 paiyzy 21-25 jyldy quraidy. Shaǵyn kásiporyndardyń tek 0,9 paiyzy ǵana elimizdiń naryǵynda 25 jyldan astam ýaqyttan beri jumys istep keledi.
«Kásiporynnyń naryqta uzaq ýaqyt jumys isteýi onyń kólemine bailanysty ekendigi anyq baiqalady. Aitalyq iri biznes segmentinde naryqta 25 jyldan astam ýaqyt jumys istep kele jatqan kompaniialardyń sany 3,3 paiyz bolsa, orta bizneste 2,5, al shaǵyn bizneste ne bári 0,9 paiyzdy quraidy», - dep atap ótedi Finprom.kz.
