Qazaqstanda iri 14 nysan 61 mlrd teńgege satyldy. Bul týraly búgin Májilistegi Úkimet saǵatynda QR Ulttyq ekonomika ministri Timýr Súleimenov aitty, dep habarlaidy QazAqparat.
Satýǵa iri 21 nysan qoiylǵan. Onyń ishinde Ulttyq holding boiynsha - 19, respýblikalyq menshik boiynsha 2 nysan. Olardyń ishinde qazirgi ýaqytta 14 nysan satyldy jáne «QazMunaiGaz» ben «Qazaqstan temir jolynyń» IPO-synyń aiasynda 7 nysan ótkizildi», - dedi ministr.
Atap aitqanda, onyń dereginshe, respýblikalyq menshik boiynsha 2 densaýlyq saqtaý «QazMedTeh» AQ pen «QazMedortalyq» AQ satyldy. Kvazimemlekettik sektor boiynsha 12 kompaniia satylyp ketti. Aktivterdi satyp alýshylar qatarynda tiisti salalarda tájiribesi bar transulttyq iri kompaniialar bar. Mysaly KTZE-KHORGOS GATEWAY 49 paiyzyy Shanhai Investment & Development Company Ltd COSCO Container Lineske, «Lokomotiv Qurastyrý Zaýyty» AQ-nyń 50 paiyzy GE Transportation Engines Holding B.V., «Elektrovoz Qurastyrý Zaýyty» JShS-nyń 50 paiyzy frantsýzdyq Alstom iri mashina jasaý kompaniiasyna satyldy.
«Iri nysandardyń jalpy satylý baǵasy 61 mlrd teńgeni qurady. Bul olardyń balanstyq qunynan 20 paiyzǵa joǵary», - dedi Timýr Súleimenov.
