Qazaqstanda ipotekaǵa suranys tómendedi. Oǵan «Baspana hit» baǵdarlamasynyń jabylýy men úi baǵasynyń qymbattaýy sebep, dep habarlaidy «Habar 24».
Ulttyq bank usynǵan málimetke sai, eldegi 20 bankke jasalǵan saýalnama nátijesi úshinshi toqsanda ipotekalyq ótinim sany 27% kóbeigenin kórsetti. Alaida maquldanǵan ótinimder 17% azaiǵan.
Búginde bankter klienttiń tólem qabiletin baǵalaýda skoringtik júieni qoldana bastaǵanyn eske salaiyq. Bul da qaryz alý qarqynyn tejedi. Dese de sharttaryn jeńildetip jatqan uiymdar da joq emes. Kóbi kepilzat talaptaryn qysqartyp, jyldyq ústeme paiyzyn azaityp jatyr.
Biyl ishki naryqta otandyq dári-dármektiń úlesi artty. Alaida baǵa túsken joq. Aitalyq, meditsinalyq buiymdar jyl ishinde 2,4 protsentke qymbattaǵan.
Aita keteri, buǵan deiin Indýstriia jáne infraqurylymdyq damý ministri turǵyn úi baǵasy qashan turaqtalatynyn boljaǵan bolatyn. Onyń aitýynsha, qurylys materialdaryn shyǵaratyn jańa kásiporyndardyń ashylýy baspana baǵasynyń sharyqtaýyn toqtatady.
Ministr turǵyn úi baǵasy kelesi jyly turaqtalatynyn atap ótti.
"Meniń boljamymsha baǵa bir qalypqa keledi. Qazir suranys bolǵan soń qurylys kompaniialary úidi salyp jatyr", - dep túiindedi Beibit Atamqulov.
