Energetika ministrligi 1997 jylǵy Qarashyǵanaq munai-gaz kondensaty ken orny merdigerlik ýchaskesiniń ónimin bólý týraly túpkilikti kelisim sheńberinde Úkimet qaýlysynyń jobasyn daiyndady, dep habarlaidy "Ult aqparat".
Kelisim boiynsha Batys Qazaqstan oblysyndaǵy áleýmettik jáne infraqurylymdyq jobalarǵa 10 040 126 dollar mólsherinde qosymsha qarajat bólý usynylyp otyr.
«Atap aitqanda Batys Qazaqstan oblysy Bórili aýdany Aqsai qalasynyń aýrýhanasynda shuǵyl meditsinalyq kómek qyzmetin jańǵyrtý, memlekettik kolledj bazasynda kásibi oqý ortalyǵyn qurý usynyldy. Sondai-aq, BQO Bórli aýdany Araltal aýylynda jerdi qalpyna keltirýge jáne jaýyn-shashyn sýyn sorǵytý júiesin ornatýǵa qarajat bólý máselesi qarastyrylyp jatyr» dep habarlaidy ministrlikten.
Jobalar tizbesi Batys Qazaqstan oblysy ákimdiginiń usynysy boiynsha jasalǵan.
Úkimet qaýlysynyń jobasy «Ashyq úkimet» portalynda jariialanǵan. Jariia talqylaý 5 qazanǵa deiin jalǵasady.
