2025 jylǵy 13 tamyzdan bastap Starlink kompaniiasy Qazaqstan Respýblikasynyń aýmaǵynda spýtniktik internet qyzmetterin resmi túrde usyna bastady. Bul týraly tsifrlyq damý ministrligi málimdedi dep habarlaidy Ult.kz.
Bul elimizdiń turǵyndaryna SpaceX kompaniiasyna tiesili tómen orbitaly Starlink spýtnikteri jelisi arqyly joǵary jyldamdyqty jáne senimdi internetke qosylýǵa múmkindik beredi.
2025 jylǵy 12 maýsymda Qazaqstan Respýblikasynyń Tsifrlyq damý, innovatsiialar jáne aeroǵarysh ónerkásibi ministrligi men Starlink kompaniiasy qyzmet kórsetý barysynda Qazaqstan zańnamasyn tolyq saqtaý jóninde kelisimge qol qoidy. Bul kelisim aqparattyq qaýipsizdik pen bailanys salasyndaǵy barlyq talaptardy oryndaýdy qamtidy.
Starlink tehnologiiasy shalǵai jáne qoljetimdiligi qiyn aimaqtarda da turaqty internet qosylýyn qamtamasyz etip, halyqqa zamanaýi tsifrlyq servisterdi paidalanýǵa múmkindik beredi.
Tarifter, qosylý sharttary jáne qosymsha aqparat SpaceX kompaniiasynyń resmi saitynda jariialandy: https://www.starlink.com/
