Foto: gov.kz
Bolashaqta qazaqstandyqtar memlekettik qyzmetterdi ChatGPT formatynda bailanys jasaý arqyly ala alady. Bul týraly Digital Almaty 2024 tsifrlyq forýmynda Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin aitty, dep habarlaidy Sputnik Qazaqstan.
"BUU reitingi boiynsha Qazaqstan qazirdiń ózinde onlain qyzmet kórsetý boiynsha álemde 8-shi orynda, al jalpy elektrondy úkimetti damytý boiynsha 28-orynda tur", - dep atap ótti ol.
Onyń aitýynsha, búgingi tańda memlekettik qyzmetterdiń 93 paiyzǵa jýyǵy elektrondy túrde kórsetiledi, 50 million anyqtama múldem alynyp tastaldy.
"Óitkeni biz aqparattyq júielerdi integratsiialap, memlekettik qurylymdar men uiymdarǵa anyqtama talap etýge tyiym saldyq", - dedi Baǵdat Mýsin.
Ol biyl e-Gov ónimderine jasandy intellekt engizýge nazar aýdaryla bastaǵanyn atap ótti.
Baǵdat Mýsin qazaqstandyqtar jaqyn arada memlekettik qyzmetterdi ChatGPT formatyndaǵy bailanys arqyly alady dep esepteidi.
"Qazirgi ázirleme qazaq tiline aýdarylady, biz qazaq tildi LLM qurý boiynsha jumys istep jatyrmyz", - dedi ol.
Nazarbaev Ýniversitetimen birlese otyryp, qazaqstandyq ázirleme bazasynda GPT chatynyń balamasyn jasaý jumysy bastalǵan.
"Bul basqa ónimdi paidalaný nemese qaita paidalaný emes, Qazaqstan jasandy intellektke óziniń tsifrlyq ónimimen enýdi maqsat tutyp otyr", - dep túiindedi Baǵdat Mýsin.
Almatyda Digital Almaty 2024 tsifrlyq forýmy ótip jatyr. Forýmda 200-den astam spiker sóz sóileidi. Úsh kúnge sozylatyn tsifrlyq is-sharaǵa 30 myńnan astam adam keledi dep josparlanyp otyr.
