فوتو: gov.kz
بولاشاقتا قازاقستاندىقتار مەملەكەتتٸك قىزمەتتەردٸ ChatGPT فورماتىندا بايلانىس جاساۋ ارقىلى الا الادى. بۇل تۋرالى Digital Almaty 2024 تسيفرلىق فورۋمىندا تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين ايتتى, دەپ حابارلايدى Sputnik قازاقستان.
"بۇۇ رەيتينگٸ بويىنشا قازاقستان قازٸردٸڭ ٶزٸندە ونلاين قىزمەت كٶرسەتۋ بويىنشا ەلەمدە 8-شٸ ورىندا, ال جالپى ەلەكتروندى ٷكٸمەتتٸ دامىتۋ بويىنشا 28-ورىندا تۇر", - دەپ اتاپ ٶتتٸ ول.
ونىڭ ايتۋىنشا, بٷگٸنگٸ تاڭدا مەملەكەتتٸك قىزمەتتەردٸڭ 93 پايىزعا جۋىعى ەلەكتروندى تٷردە كٶرسەتٸلەدٸ, 50 ميلليون انىقتاما مٷلدەم الىنىپ تاستالدى.
"ٶيتكەنٸ بٸز اقپاراتتىق جٷيەلەردٸ ينتەگراتسييالاپ, مەملەكەتتٸك قۇرىلىمدار مەن ۇيىمدارعا انىقتاما تالاپ ەتۋگە تىيىم سالدىق", - دەدٸ باعدات مۋسين.
ول بيىل e-Gov ٶنٸمدەرٸنە جاساندى ينتەللەكت ەنگٸزۋگە نازار اۋدارىلا باستاعانىن اتاپ ٶتتٸ.
باعدات مۋسين قازاقستاندىقتار جاقىن ارادا مەملەكەتتٸك قىزمەتتەردٸ ChatGPT فورماتىنداعى بايلانىس ارقىلى الادى دەپ ەسەپتەيدٸ.
"قازٸرگٸ ەزٸرلەمە قازاق تٸلٸنە اۋدارىلادى, بٸز قازاق تٸلدٸ LLM قۇرۋ بويىنشا جۇمىس ٸستەپ جاتىرمىز", - دەدٸ ول.
نازارباەۆ ۋنيۆەرسيتەتٸمەن بٸرلەسە وتىرىپ, قازاقستاندىق ەزٸرلەمە بازاسىندا GPT چاتىنىڭ بالاماسىن جاساۋ جۇمىسى باستالعان.
"بۇل باسقا ٶنٸمدٸ پايدالانۋ نەمەسە قايتا پايدالانۋ ەمەس, قازاقستان جاساندى ينتەللەكتكە ٶزٸنٸڭ تسيفرلىق ٶنٸمٸمەن ەنۋدٸ ماقسات تۇتىپ وتىر", - دەپ تٷيٸندەدٸ باعدات مۋسين.
الماتىدا Digital Almaty 2024 تسيفرلىق فورۋمى ٶتٸپ جاتىر. فورۋمدا 200-دەن استام سپيكەر سٶز سٶيلەيدٸ. ٷش كٷنگە سوزىلاتىن تسيفرلىق ٸس-شاراعا 30 مىڭنان استام ادام كەلەدٸ دەپ جوسپارلانىپ وتىر.
