Foto: Gov.kz
Qazaqstan Respýblikasynyń Mádeniet jáne aqparat ministrliginde genderlik sezimtal biýdjetti (GSB) engizý máselesine arnalǵan otyrys ótti, dep habarlaidy Ult.kz.
Is-sharaǵa Qazaqstan Respýblikasy Prezidenti janyndaǵy Áielder isteri jáne otbasylyq-demografiialyq saiasat jónindegi ulttyq komissiianyń ókilderi, QR Parlamentiniń depýtattary, elimizdegi BUU-Áielder qurylymynyń ókilderi, sondai-aq genderlik saiasat salasyndaǵy halyqaralyq sarapshylar qatysty.
Kezdesý barysynda Qazaqstandaǵy qazirgi jaǵdaiǵa jasalǵan taldaý nátijeleri men halyqaralyq standarttar men ozyq tájiribelerdi eskere otyryp ázirlengen GSB engizý jónindegi jol kartasynyń jobasy talqylandy.
Atalǵan bastama barlyq deńgeidegi biýdjetterdi tiimdi josparlaý júiesin ázirleý, zańnamalyq bazany jetildirý, genderlik saraptama engizý, memlekettik organdar qyzmetkerleriniń biliktiligin arttyrý jáne basqa da baǵyttardy qamtidy.
Genderlik sezimtal biýdjetti engizý Qazaqstan Respýblikasynyń 2030 jylǵa deiingi Otbasylyq jáne genderlik saiasat tujyrymdamasynda belgilengen. Bul bastama áleýmettik ádiletti biýdjetti qalyptastyrýǵa jáne inkliýzivti qoǵam qurýǵa baǵyttalǵan.
Aita ketý kerek, genderlik sezimtal biýdjetteý – biýdjetti josparlaý kezinde áielderge qandai da bir artyqshylyq berý emes, áielder, jastar, balalar men áleýmettik osal toptardyń múddelerin barynsha eskerý arqyly biýdjet qarajatynyń tiimdiligin arttyrýǵa múmkindik beredi.
