2021 jyldyń 10 aiynda elimizde 2,6 mln tonna suiytylǵan munai gazy óndirildi. Bul týraly Úkimet otyrysynda QR Energetika ministri Maǵzum Myrzaǵaliev aitty, dep habarlaidy QazAqparat.
«Osy jylǵy qańtar-qazan ailarynda 2,6 mln tonna suiytylǵan munai gazy óndirildi. Bul 2020 jyldyń uqsas kezeńiniń 100,3 paiyzyn quraidy. Biyl suiytylǵan munai gazyn óndirý 3,2 mln tonna nemese 2020 jylǵy kórsetkishtiń 100 paiyz deńgeiinde kútilýde», - dedi óńdeý ónerkásibin damytý týraly baiandaǵan ministr.
Onyń atap ótýinshe, ishki naryqta suiytylǵan munai gazynyń 60 paiyzdan astamyn avtokólikter tutynady.
«2019 jyldan bastap suiytylǵan gazǵa aýystyrylǵan avtokólik sany 2 ese ósip, 310 myń birlikke jetti», - dedi Maǵzum Myrzaǵaliev.
