Qazaqstanda gaz baǵasyn kóterý josparlanyp otyr. Bul týraly energetika ministri Bolat Aqsholaqov málimdedi, dep habarlaidy Sputnik Qazaqstan.
Ministrdiń pikirinshe, Qazaqstanda gaz shynymen de óte arzan.
Aitýynsha, eksporttan túsken joǵary kiris esebinen el ishinde gaz baǵasy tómen boldy.
Biraq, ishki naryqta tutyný ósip, al gaz óndirý kólemi ulǵaimai jatqandyqtan, Qazaqstan eksportty qysqartýǵa májbúr.
"2024 jyldan keiin eksport nólge túsedi degen boljam bar. Iaǵni biz gazdy múldem eksportqa shyǵarmaimyz. Tiisinshe Qazaqstan ishinde tómen baǵany yntalandyrý kózi bolmaidy. Sol sebepti gaz baǵasyn kóterý jaǵyn oilastyrý qajet", - dedi Aqsholaqov úkimet kýlýarynda.
Ministr gaz baǵasy tutynýshylar úshin ártúrli bolatynyn atap ótti. Energetika ministrligi gaz tutynýshylaryn toptarǵa bólýdi josparlap otyr.
"Birinshisi – bul qasietti, bul halyq pen áleýmettik áljýaz toptar. Biraq gazdyń naqty qunyn tólei alatyn jáne tóleýge tiis tutynýshylar bar. Olar tolyǵymen eksportqa jáne valiýtalyq túsimge baǵdarlanǵan kásiporyndar. Mainerler de gaz úshin jaqsy aqsha tólei alady. Sondai-aq áleýmettik jáne kommýnaldyq kásiporyndar, olardy basqa topqa jatqyzý kerek shyǵar", - dedi vedomstvo basshysy.
Aqsholaqov iri biznes úshin gaz baǵasy 60%-ke ósýi múmkin ekenin atap ótti.
Qarapaiym halyq úshin baǵa basqa bolady. Qazir ministrlik tiisti esepteýler júrgizip jatyr.
