QR Premer-Ministri Asqar Mamin Qaraǵandy oblysyna jumys sapary aiasynda Qazaqstan Respýblikasynyń farmatsevtika ónerkásibiniń damý máseleleri jóninde keńes ótkizdi, dep habarlaidy QR Premer-Ministriniń baspasóz qyzmeti.
Baspasóz qyzmetiniń málimetterine qaraǵanda, QR farmatsevtika salasyndaǵy ahýal men damý perspektivasy týraly indýstriia jáne infraqurylymdyq damý ministri B. Atamqulov, densaýlyq saqtaý vitse-ministri L. Biýrabekova, «SQ-Farmatsiia» basqarma tóraǵasy E. Esqaliev, «Himfarm» AQ direktory A. Isenova, «Super-pharm» JShS basshysy Q. Qaimoldaev, Meditsinalyq buiymdardy óndirýshiler qaýymdastyǵynyń tóraiymy G. Muhamedjanova baiandady.
Biylǵy 7 aidyń qorytyndysy boiynsha pandemiia kezinde farmatsevtika kásiporyndarynyń óndiris kólemi 23,2%-ǵa, 70,2 mlrd teńgege deiin artty. Salada 96 kásiporyn jumys isteidi, onyń ishinde 33-i – dári-dármekter boiynsha, 41-i – meditsinalyq buiymdar boiynsha, 22-si – meditsinalyq tehnika boiynsha. Indýstriialandyrý kartasy aiasynda 5 myń jańa jumys ornyn qurýmen investitsiia somasy 62,9 mlrd teńge bolatyn 41 joba paidalanýǵa berildi.
Qazaqstannyń farmatsevtika indýstriiasynyń «ósý núkteleri» Almaty, Shymkent qalalary men Almaty jáne Qaraǵandy oblystarynda bolyp otyr.
«Qazaqstannyń farmatsevtika indýstriiasynyń damý áleýeti zor. Basty mindet – jetkilikti qory men nomenklatýrasyn keńeitýdi qamtamasyz etý arqyly dári-dármekter men meditsinalyq buiymdardyń otandyq óndirisine serpin berý. Elimizdiń halqy úshin sapaly meditsinalyq ónimder qoljetimdi bolýy tiis», — dedi A. Mamin.
Otandyq farmatsevtika óndirisin odan ári damytý maqsatynda Úkimet basshysy indýstriia ministrligine biznes qaýymdastyǵynyń pikirin eskerýmen Farmatsevtika salasyn damytý baǵdarlamasyn ázirlep, onyń jobasyn biylǵy qyrkúiek aiynda usynýdy tapsyrdy. Premer-Ministr otandyq dári-dármekter naryǵynda halyqqa qoljetimdilik pen sapany, al biznes úshin tiimdilikti qamtamasyz etetin ońtaily baǵalar belgilenýi tiis ekenin atap ótti. Sonymen qatar meditsinalyq maskalar men basqa da jeke qorǵanysh quraldaryn óndirý standarttaryn bekitýdi tapsyrdy.
Densaýlyq saqtaý ministrligine «SQ-Farmatsiiamen» birlesip, meditsinalyq uiymdarda dári-dármekterdiń bolýyn josparlaý tetikterin qaita qaraý, dári-dármekterdi tirkeý talaptaryn ońtailandyrý, otandyq óndirýshiler úshin satyp alý kólemin boljaý júiesin engizý tapsyryldy. Úkimet basshysy otandyq dári-dármekterdiń syrtqy naryqtarǵa jedel shyǵýyn qamtamasyz etý, jańa dárilerdi tirkeý kezindegi kedergilerdi barynsha azaitý qajettigin atap ótti.
A. Mamin jumys sapary aiasynda «Arselor Mittal Temirtaý» AQ-ǵa baryp, «Qaraǵandy – Temirtaý» avtomobil jolynyń kólik airyǵyn qarady, sondai-aq densaýlyq saqtaý nysandarynyń, «Qaraǵandy farmatsevtikalyq kesheni» immýnobiologiialyq jáne biofarmatsevtikalyq preparattardy óndirý kásipornynyń, «Linde Gaz Qazaqstan» tehnikalyq jáne meditsinalyq gazdardy shyǵarý zaýytynyń, «Amanat» dárilik zattar men meditsinalyq buiymdardy saqtaý jáne qyzmet kórsetý jónindegi logistikalyq keshenniń jumysymen tanysty.
