Foto: Freepik
2025 jylǵy 11 tamyzdan bastap Qazaqstanda elektrondyq tsifrlyq qoltańbany (ETsQ) alý tártibi ózgeredi, dep habarlaidy Ult.kz.
Tsifrlyq damý, innovatsiialar jáne aeroǵarysh ónerkásibi ministrligi bul qyzmetti tolyǵymen onlain-formatqa aýystyrady. Bul sheshim azamattardyń derbes derekterin qorǵaý deńgeiin arttyrý jáne jeke tsifrlyq derekterdiń qaýipsizdigin qamtamasyz etýge baǵyttalǵan. Ol elektrondyq qoltańbany bógde tulǵalarǵa alý jaǵdaiynyń aldyn alady.
Buryn ETsQ kiltterin onlain da, HQKO-da da alýǵa bolatyn. Endi bul protsedýra tolyqtai onlain formatqa kóshirildi.
ETsQ-ny onlain qalai alýǵa bolady:
- - egov.kz nemese pki.gov.kz portalyna kirińiz;
- - Onlain ótinim jiberińiz;
- - Biometriialyq sáikestendirýden ótińiz – júie kamera arqyly bet-álpetińizdi tanidy.
Eger tulǵa sátti rastalsa, ETsQ kilti birden, HQKO qyzmetkerleriniń qatysýynsyz onlain túrde beriledi. Keide júie sizdi tani almaýy múmkin – mysaly, bazada fotosýret bolmasa nemese tehnikalyq aqaý oryn alsa, júie 5 retke deiin biometriialyq tekserýden ótkizýge múmkindik beredi. Osy áreketter sátsiz aiaqtalǵan soń ǵana HQKO-ǵa júginý múmkindigi paida bolady.
Mańyzdysy – biometriiadan ótpeiinshe, HQKO-da operator arqyly ótinish berý múmkin emes. Operator JSN boiynsha aqparatty tekseredi jáne eger bes ret sátsiz biometriia tapsyrý áreketi bolmaǵan jaǵdaida, qyzmet kórsete almaidy. Onlain qyzmet tolyq paidalanylǵannan keiin ǵana HQKO arqyly ótinish berý múmkindigi avtomatty túrde ashylady.
Internetke nemese kompiýterge qoljetimdiligi joq azamattar úshin HQKO-nyń ózine-ózi qyzmet kórsetý aimaqtarynda biometriiadan ótý múmkindigi qarastyrylǵan. Eger paidalanýshy sol jerde sátti identifikatsiiadan ótse, ETsQ kiltteri HQKO operatorynyń qatysýynsyz onlain túrde beriledi.
Qazaqstanda ETsQ berý protsesiniń negizinen qashyqtan formatqa aýysqany statistikalyq derektermen rastalady. 2025 jyldyń basynan beri respýblika boiynsha 14,9 millionnan astam ETsQ kilti berildi. Sonyń ishinde 92,25%-y qashyqtan sáikestendirý arqyly, al nebári 7,75%-y HQKO arqyly rásimdelgen. Bul derekter onlain-servistiń joǵary suranysqa ie ekenin jáne memlekettik qyzmetterdiń tsifrlandyrý baǵytynda turaqty úrdis qalyptasqanyn kórsetedi.
Bul jańashyldyq aqparattyq qaýipsizdik deńgeiin arttyrýǵa baǵyttalǵan. ETsQ óz qolymen qoiylǵan qoltańbaǵa teńestiriledi jáne tolyq zańdy kúshke ie, sondyqtan ETsQ kiltterine qoljetimdilik tek onyń iesinde ǵana bolady. Biometriiany qoldaný jeke tulǵany senimdi túrde rastaýǵa jáne ETsQ kiltterin zańsyz alý jaǵdailarynyń aldyn alýǵa múmkindik beredi.
