Onyń aitýynsha, eger fermerlerge baryp, olardan deldalsyz 10 keli jáne odan da kóp et alatyn bolsa, siyr etin 2200 teńgeden satyp alýǵa bolady.
Jubatyrov jyl aiaǵyna qarai baǵa ósýi múmkin ekenin, biraq aitarlyqtai emes - bólshek saýdada eń kóbi 3 myń teńgege deiin ekenin naqtylady.
"Bizde ashyq naryqtyq ekonomika bar, kez kelgen jaǵdaida álemdik baǵaǵa qaraimyz. Mysaly, Qytaida, Túrkiiada muzdatylǵan et baǵasy bir kelisi úshin 9-11 dollar (4000-4500 teńge shamasynda. - eskert.). Baǵa halyqtyń kirisin eskere otyryp, túzetiledi, biraq álemdik suranys boiynsha qoiylady. Jalpy, bul fermerlerge jaqsy, olardyń eńbegi aqtalady", - dedi Asqar Jubatyrov.
Onyń aitýynsha, kóp nárse jem baǵasyna bailanysty.
"Bizde astyq álemdik baǵamen satylady. Keiingi jyldary eki ese ósimdi kórip otyrmyz. Arpa qazir tonnasyna 120 myń teńgeden satylyp jatyr, al byltyr onyń baǵasy 70 myń teńge shamasynda bolǵan. Al et qunynyń 70-80 paiyzy - jem. Meniń oiymsha, kelesi jyly et 40 paiyzǵa qymbattaidy. Jazǵa qarai 3300-3500 teńge bolady. Biraq bul rette import naryqty birshama turaqtandyrady jáne baǵany aitarlyqtai kótere almaidy. Mysaly, eger Belarýs 3,7 dollardan jetkizýdi jalǵastyrsa, Qazaqstanda bul et 2500 teńge turady", - dedi sarapshy.
Sondai-aq, et baǵasyna otynnyń qymbattaýy jáne biylǵy mal basynyń kóbeiýi áser etedi.
Belarýssiiadan kelgen et Qazaqstanǵa ne úshin kerek?
Qazaqstandyq fermerler tutyný qajettiliginnen kóbirek et óndiredi. Alaida, elimiz siyr etin shetelden importtaidy. Jubatyrovtyń aitýynsha, bul etti eksportqa importtaǵannan góri qymbattatatynymyzǵa bailanysty.
Onyń aitýynsha, fermerge qymbat satý tiimdi. Qazaqstanda sapasy óte jaqsy et óndiriletinin eskersek, oǵan suranys árqashan bolady. Munda import baǵany turaqtandyrýǵa, suranys pen usynysty teńestirýge múmkindik beredi.
"Importtyń shamamen 50 paiyzy Belarýssiiadan keledi. Nelikten olar arzanyraq? Sebebi keri eksport faktory bar", - dedi Jubatyrov.
