Aqparat jáne qoǵamdyq damý vitse-ministri Daniiar Esin elimizde qabyldanǵan beibit jinalystar týraly zańnyń ereksheligi týraly aityp berdi, dep habarlaidy QazAqparat.
«Buǵan deiin habarlaǵanymyzdai, beibit jinalystar men mitingilerdi, piketterdi ótkizýde tek habarlandyrý tártibi engizilip jatyr. Aldaǵy ýaqytta uiymdastyrýshy 5 kún buryn ǵana jergilikti bilikke beibit jinalys ótkizetini týraly habarlasa boldy. Beibit jiyndy ótkizýde ákimdiktiń kelisimi talap etilmeidi. Jergilikti atqarýshy organ habarlamany alǵannan keiin beibit jinalysty ótkizýge kómek kórsetedi. Eger beibit jinalysty ótkizý maqsaty zańǵa qaishy kelse, ákimdik úsh jumys kúni ishinde ony ótkizýden bas tartýy múmkin. Biraq bas tartýdyń naqty negizi bolýy tiis», - dedi Daniiar Esin OKQ-da ótken baspasóz máslihatynda.
Qalǵan jaǵdaida ákimdik uiymdastyrýshyǵa beibit jinalys ótkizýdiń basqa da jaǵdaiyn jasaýy, ony ótkizgizbei qoimaýy kerek.
«Demonstratsiia nemese sherý ótkizý úshin habarlandyrýdyń basqa formasy – kelisim alý úshin ótinim berý kerek. Demonstratsiia nemese sherý ótkizýge kelisim alý úshin 10 jumys kúni ishinde berilýi tiis. Ótinim 7 jumys kúni ishinde qaralady. Ótinimniń basty ereksheligi – onda qatysýshylar júrip ótetin baǵdar, joldyń basy men aiaǵy, uzaqtyǵy, kólik quraldaryn paidalaný týraly málimet kórsetilýi kerek. Sonymen qatar zań boiynsha beibit jinalystardy ótkizýdiń balamaly oryndaryn mindetti túrde usyný quqyǵy da qarastyrylǵan. Mundai ótinimderdiń uzaq qaralýy – kóshelerdi jabý, sharaǵa qatysy joq azamattar men bizneske belgili bir kedergilerdi keltirý yqtimaldyǵyna bailanysty», - dedi Daniiar Esin.
