Qazaqstanda eń tómengi kepildendirilgen zeinetaqyny kóterý josparlanǵan. Bul týraly Májilis depýtattarynyń saýalyna QR Premer-Ministri Asqar Maminniń jaýabynda aitylǵan, dep habarlaidy "Ult aqparat".
«Yntymaqty zeinetaqy jyl saiyn indeksatsiialanatyn tólem sanalady. Ol infliatsiianyń 2 paiyzynan asyp túsetin deńgeide kepildendirilgen. Shynaiy tutynýshylyq baǵa men jalaqynyń ósim indeksi ótken kezeńniń is júzindegi málimetteri negizinde qalyptasady. Sondyqtan yntymaqtasty zeinetaqyny arttyrý barysynda tiisti qarjy jylyndaǵy infliatsiia esepke alynady. Osyǵan orai, shynaiy tutynýshylyq baǵa ósimi, sonymen qatar jalaqy ósimi indeksin, iaǵni ótken kezeń kórsetkishterin esepke ala otyryp, zeinetaqyny jyl saiyn indeksatsiialaý máselesin qarastyrý maqsatqa sai emes», - dedi Asqar Mamin.
Úkimet basshysynyń aitýynsha, qazirgi ýaqytta zeinetkerlerdiń materialdyq jaǵdaiyn arttyrý maqsatynda zeinetaqymen qamsyzdandyrýdy eń aldymen, bazalyq zeinetaqyny eń tómengi kepildendirilgen zeinetaqyǵa aýystyrý jolymen jańǵyrtý jumysy júrgizilip jatyr.
«Eń tómengi kepildendirilgen zeinetaqyny taǵaiyndaý tetigi bazalyq zeinetaqy taǵaiyndaýdyń qoldanystaǵy ádistemesine negizdeletindigi kózdeledi. Biraq, belgili bir parametrleri jetildiriledi. Bul shara eń tómengi mólsherdi eń tómengi kúnkóristi 54-ten 70 paiyzǵa deiin arttyrýdy, sonymen qatar mólsherdiń eń tómengi shekteýin alyp tastaýdy qarastyrady», - dedi Úkimet basshysy.
Sonymen qatar Premer-Ministr zeinetaqy júiesin jańǵyrtýdyń taǵy bir mańyzdy baǵyty 2023 jyldan bastap jumys berýshilerdiń mindetti zeinetaqy jinaǵyn engizý ekendigin aitady.
«Josparlanǵan sharalar eldegi jáne álemdegi qalyptasqan ekonomikalyq ahýaldy, áleýmettik jáne demografiialyq faktorlardy, sonymen qatar Memleket basshysynyń zeinetaqy júiesin jańǵyrtýǵa qatysty bergen birqatar tapsyrmasyn tolyq kólemde eskeredi», - dedi Asqar Mamin.
