قازاقستاندا ەڭ تٶمەنگٸ كەپٸلدەندٸرٸلگەن زەينەتاقىنى كٶتەرۋ جوسپارلانعان. بۇل تۋرالى مەجٸلٸس دەپۋتاتتارىنىڭ ساۋالىنا قر پرەمەر-مينيسترٸ اسقار ماميننٸڭ جاۋابىندا ايتىلعان, دەپ حابارلايدى "ۇلت اقپارات".
«ىنتىماقتى زەينەتاقى جىل سايىن يندەكساتسييالاناتىن تٶلەم سانالادى. ول ينفلياتسييانىڭ 2 پايىزىنان اسىپ تٷسەتٸن دەڭگەيدە كەپٸلدەندٸرٸلگەن. شىنايى تۇتىنۋشىلىق باعا مەن جالاقىنىڭ ٶسٸم يندەكسٸ ٶتكەن كەزەڭنٸڭ ٸس جٷزٸندەگٸ مەلٸمەتتەرٸ نەگٸزٸندە قالىپتاسادى. سوندىقتان ىنتىماقتاستى زەينەتاقىنى ارتتىرۋ بارىسىندا تيٸستٸ قارجى جىلىنداعى ينفلياتسييا ەسەپكە الىنادى. وسىعان وراي, شىنايى تۇتىنۋشىلىق باعا ٶسٸمٸ, سونىمەن قاتار جالاقى ٶسٸمٸ يندەكسٸن, ياعني ٶتكەن كەزەڭ كٶرسەتكٸشتەرٸن ەسەپكە الا وتىرىپ, زەينەتاقىنى جىل سايىن يندەكساتسييالاۋ مەسەلەسٸن قاراستىرۋ ماقساتقا ساي ەمەس», - دەدٸ اسقار مامين.
ٷكٸمەت باسشىسىنىڭ ايتۋىنشا, قازٸرگٸ ۋاقىتتا زەينەتكەرلەردٸڭ ماتەريالدىق جاعدايىن ارتتىرۋ ماقساتىندا زەينەتاقىمەن قامسىزداندىرۋدى ەڭ الدىمەن, بازالىق زەينەتاقىنى ەڭ تٶمەنگٸ كەپٸلدەندٸرٸلگەن زەينەتاقىعا اۋىستىرۋ جولىمەن جاڭعىرتۋ جۇمىسى جٷرگٸزٸلٸپ جاتىر.
«ەڭ تٶمەنگٸ كەپٸلدەندٸرٸلگەن زەينەتاقىنى تاعايىنداۋ تەتٸگٸ بازالىق زەينەتاقى تاعايىنداۋدىڭ قولدانىستاعى ەدٸستەمەسٸنە نەگٸزدەلەتٸندٸگٸ كٶزدەلەدٸ. بٸراق, بەلگٸلٸ بٸر پارامەترلەرٸ جەتٸلدٸرٸلەدٸ. بۇل شارا ەڭ تٶمەنگٸ مٶلشەردٸ ەڭ تٶمەنگٸ كٷنكٶرٸستٸ 54-تەن 70 پايىزعا دەيٸن ارتتىرۋدى, سونىمەن قاتار مٶلشەردٸڭ ەڭ تٶمەنگٸ شەكتەۋٸن الىپ تاستاۋدى قاراستىرادى», - دەدٸ ٷكٸمەت باسشىسى.
سونىمەن قاتار پرەمەر-مينيستر زەينەتاقى جٷيەسٸن جاڭعىرتۋدىڭ تاعى بٸر ماڭىزدى باعىتى 2023 جىلدان باستاپ جۇمىس بەرۋشٸلەردٸڭ مٸندەتتٸ زەينەتاقى جيناعىن ەنگٸزۋ ەكەندٸگٸن ايتادى.
«جوسپارلانعان شارالار ەلدەگٸ جەنە ەلەمدەگٸ قالىپتاسقان ەكونوميكالىق احۋالدى, ەلەۋمەتتٸك جەنە دەموگرافييالىق فاكتورلاردى, سونىمەن قاتار مەملەكەت باسشىسىنىڭ زەينەتاقى جٷيەسٸن جاڭعىرتۋعا قاتىستى بەرگەن بٸرقاتار تاپسىرماسىن تولىق كٶلەمدە ەسكەرەدٸ», - دەدٸ اسقار مامين.
