Biylǵy 9 aida resmi dilerler 50 myńǵa tarta avtokólik satty. Bul týraly «QazAvtoÓnerkásip» habarlaidy.
«Qańtar-qyrkúiek aralyǵynda resmi dilerler 49 243 kólikti satty, bul bir jyl burynǵy kórsetkishten 18,3 paiyzǵa joǵary. Esepti kezeńde qazaqstandyqtar jańa jeńil kólikterdi alýǵa 451,2 mlrd teńge jumsap, 2018 jylǵy deńgeiden 27,1 paiyzǵa artyq boldy», - delingen taratylǵan málimette.
Kólik satyp alýshy 27 795 adam (56,5 paiyzy) otandyq zaýyttardyń ónimine óz tańdaýyn jasaǵan. Sonymen qatar, 9 aida satylǵan 21 448 avtomobil importqa tiesili bolyp otyr.
Atalǵan merzimde elimizde suranysy joǵary brendterdiń arasynda Lada kósh bastap tur. Respýblika aýmaǵynda reseilik markanyń 11 092 kóligi ótkizilgen. Al satylǵan Toyota modelderiniń sany 10 524-ti qurady. Úshinshi orynǵa saýdalanǵan 10 008 kóligimen Hyundai shyǵyp otyr. Sondai-aq bul bestikke KIA (2 358 avtokólik) jáne Renault (1 821) brendteri endi.
