Qazaqstandyq blogerler men qoǵam belsendileri Ekinshi dúniejúzilik soǵys batyrlaryna arnalǵan portaldy iske qosty, dep habarlaidy "Ult aqparat".
Qazaqstandyq blogerler men qoǵam belsendileri «Máńgilik polk» aktsiiasyn onlain formatta ótkizý úshin portal jasap shyǵardy. Joba ataýy - «Jaýjúrek polk».
Joba avtorlarynyń ishinde «Ulttyq Pikirsaiys Federatsiiasynyń» Prezidenti, «Jaqsy Bolady» YouTube arnasynyń avtory Buharbai Bolat, tanymal telejúrgizýshi Mahabbat Esen, bloger Iakov Federov jáne «Ave adicus» YouTube arnasnyń avtory Ashirbek Ádilet.
Joba avtorlary álemdik pandemiiaǵa bailanysty aktsiiany oflain formatta ótkizý múmkin emes ekenin eskerip, soǵys batyrlaryna onlain formatta erekshe qurmet kórsetýdi uiǵardy.
Bul jai ǵana portal emes — bul ekinshi dúniejúzilik soǵys batyrlaryna arnalǵan máńgilik estelik albomy. Biz sizdermen birge Bostandyq úshin óz ómirlerin qiǵan, jarqyn bolashaǵymyz úshin qan tókken atalarymyzdyń erlikterin qurmetteýimiz qajet! - dep, joba avtorlarynyń biri Mahabbat Esen óz paraqshasynda jazady.
Sharaǵa qatysý úshin ótinish pen batyry jaily aqparatty Qaharman1945.kz saitynda qaldyrý kerek.
Sonymen qatar, joba Qazaqstannyń Ekinshi dúniejúzilik soǵystaǵy róli men jekelegen qazaqstandyq batyrlardyń jetistikteri týraly baiandaidy.
Batyrlar qurmetine arnalǵan onlain sherý 9 mamyr kúni, saǵat 10:00-de jobanyń áleýmettik jelilerdegi paraqshalarynda ótedi.
