QR Eńbek jáne halyqty áleýmettik qorǵaý vitse-ministri Erlan Áýkenov Ekinshi dúniejúzilik soǵys ardagerlerine zeinetaqyny eskergende qansha tólem jasalatynyn aitty, dep habarlaidy QazAqparat.
«Elimizdiń Táýelsizdiginiń barlyq 30 jyly ishinde ardagerler men tyl eńbekkerlerine qamqorlyq kórsetý, olardyń ómir súrý sapasyn arttyrý – memlekettiń áleýmettik saiasatynyń basty basymdyqtarynyń biri. Qart adamdardy áleýmettik qorǵaý sharalary ortalyq jáne jergilikti deńgeilerde júzege asyrylady. Jyl saiyn zeinetaqy jáne ózge de áleýmettik tólemder kólemi ulǵaiýda. 2021 jylǵy 1 qańtardan bastap bazalyq zeinetaqy 5 paiyzǵa jáne yntymaqty zeinetaqy 7 paiyzǵa, áleýmettik tólemder 5 paiyzǵa arttyryldy. Qabyldanyp jatqan sharalar halyqaralyq praktikada qoldanylyp júrgen joǵaltylǵan tabysty almastyrý standartyn (40%) arttyrýǵa múmkindik berdi, ol Qazaqstanda bazalyq jáne ortaq zeinetaqy tólemderi esebinen 49,9 paiyzdy quraidy», – dedi Erlan Áýkenov Ortalyq kommýnikatsiialar qyzmetinde.
Onyń aitýynsha, ózge áleýmettik tólemderge qaramastan, azamattardyń 20 sanaty (onyń ishinde soǵysqa qatysýshylar, tyl eńbekkerleri, aqtalǵan azamattar jáne t.b.) arnaýly memlekettik járdemaqy alady.
2021 jylǵy 1 mamyrdaǵy jaǵdai boiynsha zeinetaqyny eskergende áleýmettik tólemderdiń ortasha jiyntyq mólsheri:
- Ekinshi dúniejúzilik soǵysyna qatysýshylary úshin – 182 851 teńgeni;
- Ekinshi dúniejúzilik soǵysy múgedekteri úshin – 188 051 teńge;
- basqa memleketter aýmaǵyndaǵy soǵys ardagerlerine (Aýǵanstanda, Vetnamda, Aljirde, Egipette, Irakta jáne t. b.) – 198 801 teńge;
- Ekinshi dúniejúzilik soǵys qatysýshylaryna teńestirilgen adamdar úshin – 154 638 teńge;
– Ekinshi dúniejúzilik soǵys múgedekterine teńestirilgen adamdar úshin-119 562 teńge;
- Ekinshi dúniejúzilik soǵys jyldaryndaǵy tyl eńbekkerlerine - 120 112 teńgeni quraidy.
«Sondai-aq, jergilikti atqarýshy organdar biýdjet jáne demeýshilik qarajat esebinen ardagerlerge qiyn ómirlik jaǵdaida nemese mereke kúnderi materialdyq kómek túrinde qosymsha áleýmettik qoldaý sharalaryn kórsetedi. Oǵan turǵyn úidi jóndeý, otynmen qamtamasyz etý, qoǵamdyq kólikte jol júrý jeńildikteri, dári-dármekpen qamtamasyz etý, tis protezdeý jáne taǵy basqalar kiredi», – dedi vitse-ministr.
