Keiingi eki jylda Qazaqstanda tórt qus fabrikasy bankrotqa ushyraǵan. Al jumys istep jatqandarda shyǵyn kóp. Kásipkerler mekien taýyqtardyń sanyn azaitýdy oilap otyr. Azyq qymbattaǵannan keiin jaǵdai nasharlap ketken. Sonymen qatar, qus tumaýynyń órshýine bailanysty Resei qazaqstandyq qus fabrikalarynyń ónimderin importtaýdy toqtatqan. Aýyl sharýashylyǵy ministrligi qus ósirýshilerdiń problemalarynyń kóp bóligi sheshilgenin aitady, - dep habarlaidy Tengrinews.kz agenttigi "Habar 24" telearnasyna silteme jasap.
Eki jyl buryn Arqalyq qus fabrikasynda qus tumaýy saldarynan barlyq taýyq qyrylyp qalǵan. Sodan keiin uzaq qalpyna keltirý protsesi bolǵan. Kásiporyn burynǵy óndiris deńgeiine oralǵannan keiin basqa problemalar bastalǵan.
"Qazir azyq 30-dan 50 paiyzǵa deiin qymbattady. Azyqtyń jartysyn syrttan alamyz. Onda da bári qymbat. Osylai jalǵasa berse, bári qymbattasa, mal basyn qysqartýǵa májbúr bolamyz", - deidi Arqalyq qus fabrikasynyń bas direktory Jámila Ismailova.
Azyq qunynyń turaqty túrde ósýi keiingi eki jylda baiqalady. Biraq bul jalǵyz másele emes. 2021 jyldyń aiaǵynda Resei qazaqstandyq jumyrtqalardy importtaýdy toqtatty. Jeke sharýashylyqtarda qus tumaýynyń órshýine bailanysty tyiym salyndy. Saldarynan Qazaqstannyń tórt óńirindegi qus fabrikalary birden qoimaǵa jumys istei bastady.
"EAEO-daǵy erejeler boiynsha, aýrý tirkelse, jeke sharýashylyqtarda nemese qus fabrikasynda ónim eksportyna tyiym salynady. Biraq ony úsh aiǵa engizý kerek. Bul - shekteý engiziletin eń uzaq merzim. Búginde 6 ai ótti, al Resei áli kúnge deiin ónim jetkizý úshin shekarasyn ashqan joq", - dedi Qazaqstannyń jumyrtqa óndirýshileri qaýymdastyǵynyń prezidenti Maksim Bojko.
Aýyl sharýashylyǵy ministrligi otandyq qus ósirýshilerdiń problemalarynan habardar. Sonymen qatar, olar problemanyń sheshimi týraly esep berdi.
"Jumys júrgizilip jatyr. Bir oblysta tyiym alyp tastaldy, qalǵan oblystar boiynsha jumys jalǵasyp jatyr. Jaqyn arada tyiymdy alyp tastaimyz dep úmittenemiz. Ol úshin ótken seisenbide Resei tarapymen kelissózder júrgizildi. Qazir eki eldiń sheneýnikteri kepildik hattar boiynsha jumys istep jatyr", - dedi Qazaqstannyń aýyl sharýashylyǵy ministri Erbol Qarashókeev.
Aýyl sharýashylyǵy ministrligi ókili karantin alyp tastalatyn naqty kúndi atady. Vedomstvonyń málimetinshe, bul kelesi dúisenbide, iaǵni 11 sáýirde júzege asady. Sheneýnikterdiń aitýynsha, jemge bailanysty másele sheshilgen. Azyq-túlik korporatsiiasymen memorandým bar. Qazir tikelei qus fabrikalaryna 115-117 myń teńgege bir tonna astyq beriledi.
