BQO men Pavlodar oblysynda eki joǵary laýazymdy politsei sottaldy, - dep habarlaidy Tengrinews.kz tilshisi IIM baspasóz qyzmetine silteme jasap.
Jaqynda Shymkent qalasy Politsiia departamentiniń jergilikti politsiia qyzmeti patrýldik politsiia polkiniń 4-rota komandiriniń qylmystyq áreketi toqtatylǵany habarlandy.
"Ol júieli negizde qaramaǵyndaǵy qyzmetkerlerden qyzmeti boiynsha jalpy qamqorlyǵy úshin para alyp otyrǵan (Qylmystyq kodekstiń 366-baby boiynsha).
27 sáýirinde Arnaiy jedel-izdestirý is-sharalarynyń kesheni barysynda Shymkent qalasy PD ABB-men birlesip, qaramaǵyndaǵy qyzmetkerlerden kezekti para alǵannan keiin kúdikti ustalyp, ýaqytsha ustaý izoliatoryna qamaldy", - dedi vedomstvo ókilderi.
29 sáýirde Shymkent qalasynyń mamandandyrylǵan tergeý soty oǵan qatysty "kúzetpen ustaý" túrindegi bultartpaý sharasyn sanktsiialady.
Sonymen qatar, birqatar óńirde politsiia bólimsheleriniń basshylaryna qatysty aiyptaý úkimi shyqqany habarlandy. Mysaly, Pavlodar oblysynda 26 sáýirde kóshi-qon rejimin buzý deregi boiynsha ákimshilik jaýapkershilikke tartylmaǵany úshin Ózbekstan Respýblikasynyń azamatynan para alǵan Pavlodar qalasy PB kóshi-qon qyzmeti bólimi bastyǵynyń orynbasary politsiia kapitany E. Áýbákirov 3 jylǵa bas bostandyǵynan aiyryldy.
Al Batys Qazaqstan oblysynda, IIM málimetinshe, 27 sáýirde BQO boiynsha PD Aqjaiyq aýdandyq politsiia bólimi bastyǵynyń orynbasary politsiia maiory A. Ábilhaiyrov 7,5 million teńge kóleminde aiyppul salyndy. Ol Oral qalasynyń turǵynynan qylmystyq isti toqtatqany úshin 500 myń teńge alýǵa oqtaldy dep aiyptaldy.
Sottalǵandar ómir boiy memlekettik qyzmette qyzmet atqarý quqyǵynan jáne arnaýly ataqtarynan aiyryldy. Úkimder zańdy kúshine engen joq.
