«Berlin-Minsk-Almaty» aviareisi arqyly 13 naýryzda ushyp kelgen 2018 jylǵy kishkentai qyz baladan koronavirýs infektsiiasy anyqtaldy, dep habarlaidy "Ult aqparat.
«2020 jyldyń 17 naýryzy tańǵy 09.00-degi epidemiologiialyq jaǵdai boiynsha Almatyda koronavirýs infektsiiasyn juqtyrǵan taǵy 3 adam tirkeldi. Birinshi naýqas – "Berlin-Minsk-Almaty" ushaǵy arqyly 13 naýryzda ushyp kelgen 2018 jyly týǵan qyz bala. Ol qazir Almaty qalasyndaǵy balalar infektsiialyq aýrýhanasyna jatqyzyldy. Ekinshi naýqas - 1966 jyly týǵan azamat, ol Máskeýden bizge 10 naýryz kúni ushyp keldi. Almatydaǵy kópsalaly meditsinalyq ortalyqqa jatqyzyldy. Úshinshi naýqas - 1956 jyly týǵan azamat, ol da Máskeý qalasynan 10 naýryzda kelgen», - dedi ministrliktiń resmi ókili Dias Ahmetshárip.
Onyń aitýynsha qazirgi ýaqytta Almatyda 11, Nur-Sultanda 2 naýqas tirkeldi. Búgingi kúnde elde koronavirýs juqtyrýdyń 13 jaǵdaiy rastaldy.
Sondai-aq, Qazaqstanda Tótenshe jaǵdai jariialanyp, azamattardyń 15 sáýirge deiin el aýmaǵynan shyǵýyna tyiym salyndy.
16 naýryzda prezident Qasym-Jomart Toqaev Qazaqstan halqyna úndeý jariialady. Prezidenttiń aitýynsha, Qazaqstannyń halyqaralyq rezervi 90 milliard dollarǵa jetti. Al bul qarajat ekonomikalyq turaqtylyqtyń negizi bola alady. Sol qarjy esebinen memleket óziniń áleýmettik mindeterin atqara alady.
Sonymen qatar memleket basshysy qajet bolǵan jaǵdaida, tótenshe jaǵdai rejiminiń uzartylýy múmkin ekenin aitty.
